சகோதரர் அர்ஹம் தடுமாறுவது ஏன் – விவாத ஒப்பந்தத்தின் பின் மீண்டும் அர்ஹம் அவர்கள் அனுப்பிய கடிதமும், நமது பதிலும்

ஸ்ரீ லங்கா தவ்ஹீத் ஜமாத்திற்கும் சகோதரர் அர்ஹம் மவ்லவி அவர்களுக்கும் இடையில் கடந்த சில நாட்களுக்கு முன்பாக இரண்டு தலைப்புக்களில் விவாத ஒப்பந்தம் நடை பெற்றமை வாசகர்கள் அறிந்ததே! விவாதத்திற்கான இடமும் நேரமும் குறிப்பிடப்பட்டு விவாத ஒப்பந்தம் கைச்சாத்திடப்பட்ட சில நாட்களிலேயே தான் விவாதத்தில் இருந்து ஒதுங்கிக் கொள்வதாக சகோதரர் அர்ஹம் அவர்கள் தொலை பேசி மூலம் நமது தலைமைக்கு அறிவித்தார் (அவர் அறிவித்த ரெகோடிங் நமது கைவசம் உள்ளது)

அதற்கு எழுத்து மூலம் அதனை எழுதித் தருமாறு ஜமாத் வேண்டுகோள் விடுத்த நேரம் அவர் நமது தலைமையகத்திற்கே நேரடியாக வந்து ஒரு கடிதத்தை சமர்ப்பித்தார்.

(அப்போது அவர் நம்முடன் பேசிய விஷயங்கள் வீடியோ பதிவு செய்யப்பட்டுள்ளது.)

தலைமையத்திற்கு வந்து ஒரு கடிதத்தைத் தந்தவர் தபால் மூலமாக மீண்டும் ஒரு கடிதத்தை அனுப்பியிருந்தார். இரண்டு கடிதத்திற்கும் சேர்த்து நமது ஜமாத் சார்பாக பதில் கடிதம் அனுப்பப்பட்டுள்ளது.அவற்றைக் கீழே தருகிறோம்.

2011.10.29 அன்று நமது தலைமையத்திற்கு வந்து சகோதரர் அர்ஹம்  தந்த கடிதம்.

2011.11.04 அன்று தபால் மூலமாக  சகோதரர் அர்ஹம் அனுப்பிய கடிதம்.

 

2011.11.05 அன்று நாம் சகோதரர் அர்ஹம் அவர்களுக்கு அனுப்பிய கடிதம்.

SLTJ-Mabola கிளை ஹஜ் பெருநாள் திடல் தொழுகை – 2011

ஸ்ரீலங்கா தவ்ஹீத் ஜமாதின்(SLTJ) மாபோலை கிளையின் ஏற்பாட்டில் நபி வழி திடல் தொழுகை மஸ்ஜிதுல் முத்தகீன் வளாக மைதானத்தில் நடைபெற்றது அல்ஹம்துலில்லாஹ். கடந்த ஆண்டை விடவும் அதிகமான மக்கள் திடல் தொழுகையின் கலந்து கொண்டனர். ஸ்ரீலங்கா தவ்ஹீத் ஜமாஅதின் பேச்சாளர் சகோ.சஃப்வான் M.I. Sc அவர்கள் பெருநாள் சிறப்புரை ஆற்றினார்.

குர்பானியின் சட்டங்கள் - நோட்டீஸ்

ஸ்ரீலங்கா தவ்ஹீத் ஜமாஅத்தினரால் அச்சிடப்பட்டு  நாடு முழுவதும் வினியோகிக்கப்பட்ட நோட்டீஸின் அசல் வடிவம்

 

SLTJ மாபோலைக் கிளை சார்பாக O/L மாணவர்களுக்கான விஞ்ஞானக் கருத்தரங்கு.

ஸ்ரீ லங்கா தவ்ஹீத் ஜமாத் மாபோலைக் கிளை சார்பாக நேற்று (30-10-2011) ஞாயிற்றுக் கிழமை மாபோலை அல் – அஷ்ரப் முஸ்லீம் வித்தியாலயத்தில் க.பொ.த சாதாரண தர மாணவர்களுக்கான விஞ்ஞானப் பாட கருத்தரங்கு நடத்தப்பட்டது.

இதில் சகோதரர் ரஸ்மி (Under Graduate. Agri) அவர்கள் மாணவர்களுக்கான விஞ்ஞான விளக்கங்களை செவ்வெனே நிகழ்த்தினார்.

ஸ்ரீ லங்கா தவ்ஹீத் ஜமாத் மாபோலைக் கிளை இந்நிகழ்வை சிறப்பாக ஏற்பாடு செய்திருந்தமை குறிப்பிடத்தக்கது.

தெருமுனைப் பிரச்சாரம் மாபோலையில்....

ஸ்ரீலங்கா தவ்ஹீத் ஜமாஅத் மாபோலை கிளை ஏற்பாட்டில் கடந்த ஞாயிற்றுக்கிழமை (03/10/2011) அஷர் தொழுகையை தொடர்ந்து மக்கள் குடியிருப்பு தொகுதி வீதியில் அழைப்பு மாத இதழ் பிரதான ஆசிரியரான சகோதரர். பர்சான்(னளீமி) அவர்களால் “நாங்கள் சொல்வது என்ன” என்ற தலைப்பில் உரை நிகழ்த்தப்பட்டது. மக்கள் அவர் அவர் வீடுகளில் இருந்தவாரே உரையை செவிமடுத்தனர்.

SLTJ யின் பிறை பற்றிய ஆய்வுக் கூட்டம்

ரமழான் மாதம் நம்மை நோக்கி வந்து கொண்டிருப்பதினால் ஸ்ரீ லங்கா தவ்ஹீ்த் ஜமாத்தின் பிரச்சாரகர்கள் பிறை பற்றிய மறு ஆய்வை மேற்கொண்டார்கள். நோன்பு , ஹஜ்ஜுப் பெருநாள் என்று வந்தாலே பிறை பற்றிய கேள்விகளும், பிரச்சினைகளும் அடிக்கடி ஏற்படுவதினால் அந்தப் பிரச்சினை பற்றிய மறு ஆய்வொன்றை நடத்த வேண்டும் என்று தலைமை முடிவு செய்து அதற்கான அழைப்பையும் விடுத்தது.

ஸ்ரீ லங்கா தவ்ஹீத் ஜமாத்தின் தாயிக்கள் கலந்து கொண்டு தமது ஆய்வுகளையும் வாதப் பிரதி வாதங்களையும் முன்வைத்தார்கள் இறைவனின் அருளால் மிகவும் சிறப்பாக நடை பெற்ற இந்த ஆய்வரங்க நிகழ்ச்சியில் இது வரை ஸ்ரீ லங்கா தவ்ஹீத் ஜமாத் கொண்டுள்ள பிறை பற்றிய முடிவுதான் சரியானது என்றும் இதற்கு மாற்றமான சர்வதேச பிறை மற்றும் கணித்தல் முறை என்பவை தவறு என்றும் இலங்கையில் எங்கு பார்த்தாலும் பிறைத் தகவலின் உண்மைத் தன்மையை உறுதி செய்து ஏற்றுக் கொள்வது என்ற முடிவை ஆய்வுக் குழு எடுத்துள்ளது.

ஆய்வுக் குழுவின் முடிவுகள் விரிவான கட்டுரையாக பின்பு வெளியிடப்படும் இன்ஷா அல்லாஹ்.

நயவஞ்சகர்களின் முக மூடி கிழிக்கப்பட்ட கெக்கிராவை உள்ளரங்க நிகழ்ச்சி

ஸ்ரீ லங்கா தவ்ஹீத் ஜமாத் சார்பாக தமிழ்நாட்டில் இருந்து மார்க்கப் பிரச்சாரத்திற்காக இலங்கைக்கு அழைக்கப்பட்டிருந்த தென்னிந்திய மார்க்க அறிஞர் சகோதரர் எம்.ஐ சுலைமான் அவா்கள் நாட்டின் பல பாகங்களிலும் ஏற்பாடு செய்யப்பட்டிருந்த நிகழ்ச்சிகளில் கலந்துகொண்டு சிறப்புரை ஆற்றினார்கள்.

அனுராதபுர மாவட்டம் கெக்கிராவையில் ஸ்ரீ லங்கா தவ்ஹீத் ஜமாத்தின் ஹோராப்பொல மற்றும் நேகம ஆகிய கிளைகள் இணைந்து நடத்திய உள்ளரங்க நிகழ்வில் சகோதரர் எம்.ஐ. சுலைமான் அவா்கள் முழுமையான மார்க்கத்தில் முழுமையாக நுழைந்திடுவோம் என்ற தலைப்பில் சிறப்புரையாற்றினார் ஸ்ரீ லங்கா தவ்ஹீத் ஜமாத்தின் பேச்சாளர் சகோதரர் ஹிஷாம் எம்.ஐ.எஸ்.ஸி அவா்கள் அல்லாஹ்வின் பாதை எது என்ற தலைப்பில் உரையாற்றினார்.

இந்த நிகழ்ச்சி நடந்துவிடக் கூடாது என்பதற்காக ஊர் ஊராக கங்கணம் கட்டிக் கொண்டு நமக்கெதிராக செயல்பட்ட போலி தவ்ஹீத்வாதிகளின் முகத்திரையைக் கிழிக்கும் விதமாக பல ஊர்களிலிருந்தும் நூற்றுக் கணக்கானோர் நிகழ்ச்சியில் பங்கேற்றமை குறிப்பிடத்தக்கது.

இந்நிகழ்ச்சியில் பகிரங்க கேள்வி பதில் நிகழ்ச்சியும் இடம் பெற்றது.

இந்நிகழ்ச்சியின் மற்றொரு திருப்பமாக அனுராதபுர மாவட்டத்தின் மிகப்பெரும் முஸ்லீம் கிராமமான கலாவெவயில் ஸ்ரீ லங்கா தவ்ஹீத் ஜமாத்தின் புதிய கிளையொன்றும் ஸ்தாபிக்கப்பட்டது அல்ஹம்துலில்லாஹ்.

நன்றி www.sltjweb.com