பைபிள் இறை வேதமா - விவாதம் குறித்த ஒரு பார்வை

அஸ்ஸலாமு அலைக்கும்..

வரலாற்று சிறப்புமிக்க ஒரு விவாதம் இனிதே நிறைவேறியுள்ளது. கிறிஸ்தவர்களுடனான இந்த விவாதம் பல வகையில் முக்கியதுவம் வாய்ந்ததாகும்.
மற்ற கிறிஸ்தவ பாதிரிமார்களுடன் நடைபெறும் விவாதம் போலல்லாமல், இந்த SAN அமைப்பினர் என்று சொல்லப்படக்கூடியவர்கள் பல வகையில் வேறுபட்டு நிற்கின்றனர்.

பொதுவாக, கிறிஸ்தவர்கள் தங்கள் கொள்கை தான் சரி என்றும், பிறரது கொள்கைகள் தவறு என்றும் பொது மேடைகளில் அதிகமாக பிரச்சாரங்கள் செய்கிற வழக்கம் உடையவர்களல்லர். தாங்கள் உண்டு, தங்கள் மார்க்கம் உண்டு என்று இருப்பவர்கள் தான்.

ஆனால், இந்த SAN அமைப்பினரும், அதன் தலைவரான திரு. ஜெர்ரி தாமஸ் அவர்களும் தங்கள் மார்க்கத்தை பிரச்சாரம் செய்வதோடு மட்டும் நிறுத்திக்கொள்ளாமல், பிற மதங்களை, அதிலும் குறிப்பாக இஸ்லாமிய மார்க்கத்தை கடுமையாக விமர்சித்தும் சாடியும் பிரச்சாரம் செய்து வருகின்றனர். சாகிர் நாயக் மதங்களை ஒப்பீட்டு நோக்கும் அறிவை (comparitive study ) பெற்றிருக்கிறார் என்பதை அறிந்து, சாகிர் நாயக்கை வீழ்த்த வேண்டும், அவரிடம் எந்த ஞானமும் கிடையாது என்பதை நிரூபிக்க வேண்டும் என்று கங்கணம் கட்டிக்கொண்டு அவரை போன்று நாங்களும் comparitive study செய்துள்ளோம், இஸ்லாம் பொய்யான மார்க்கம் என்பதை அவருடன் நேருக்கு நேரான விவாதம் மூலம் நிரூபிப்போம் என்று பகிரங்கமாக சவால் விடுத்தனர்.

சாகிர் நாயகின் அமைப்பின் பிரிவுகளில் ஒன்றான IREF அமைப்பின் பொறுப்பாளர் ஒருவருடன் திரு. ஜெர்ரி தாமஸ் விவாதம் ஒன்றையும் நடத்தியுள்ளார்.
இந்த வகையில், தாங்கள் தான் சரியான கொள்கையை கொண்டுள்ளோம் என்றும், இஸ்லாமியர்கள் மத்தியில் மிகப்பெரிய அறிஞராக அவர்கள் எண்ணி வைத்துள்ள சாகிர் நாயகிடமே சவால் விடுத்துள்ளோம் என்றும் இறுமாப்புடன் பிரசாரம் செய்து வந்துள்ளனர் இந்த கூட்டத்தினர்.
கேரளா மாநிலத்தில், அதிகமான திருசபைகளை கொண்டவர்களாக தங்களை சொல்லிக்கொள்ளும் இவர்கள், கேரளா இஸ்லாமிய அமைப்புகள் மத்தியிலும் பல விவாதங்களை நிகழ்த்தியுள்ளது, குறிப்பிடத்தக்கது.

இந்த நிலையில் தான் தமிழ்நாடு தவ்ஹீத் ஜமாத்துடன் விவாதிக்க இவர்கள் ஆயத்தமானார்கள்.

எது இறை வேதம் என்கிற தலைப்பில் முதலில் விவாதிப்பது என்று, இவர்கள் இடையே நிகழ்ந்த முதல் கலந்துரையாடலில் முடிவு எடுக்கப்பட்டது. எது இறை வேதம் , குர் ஆனா பைபிளா என்பதை ஒரே தலைப்பாக வைக்காமல், இரண்டையும் இரண்டு வெவ்வேறு தலைப்புகளாக மாற்றலாம் என்று தவ்ஹீத் ஜமாஅத் வலியுறுத்தியது.

அந்த அடிப்படையில் , பைபிள் இறை வேதமா இல்லையா? என்கிற தலைப்பில் கடந்த 21 மற்றும் 22 ஆகிய தேதிகளிலும், குர் ஆன் இறை வேதமா இல்லையா என்கிற தலைப்பில் வருகிற 28 , 29 ஆகிய தேதிகளிலும் விவாதிப்பது என்று முடிவு செய்யப்பட்டுள்ளது.
இது தவிர, இன்னும் ஆறு தலைப்புகள் அடுத்தடுத்த மாதங்களில் விவாதிக்கப்பட வேண்டும் எனவும் முடிவு செய்யப்பட்டிருக்கிறது.

தமிழ்நாடு தவ்ஹீத் ஜமாஅத் சந்தித்த விவாதங்களில் இந்த விவாதம் முக்கியமான ஒரு வேறுபாட்டை கொண்டிருந்தது. தங்கள் வாதங்கள் ஒவ்வொன்றையும் தமிழில் சொல்வதுடன் அதை ஆங்கிலத்திலும் மொழியாக்கம் செய்ய வேண்டும் என்கிற விதி ஒப்பந்தத்தில் உள்ளது என்கிற வகையில், தவ்ஹீத் ஜமாஅத் அன்பர்களுக்கு இந்த விதி புதிய ஒன்று என்றாலும், சத்தியத்தை மேலோங்க செய்ய வேண்டும் என்கிற நோக்கில், ஆங்கில புலமை அதிகம் பெற்றிராத தவ்ஹீத் ஜமாத்தினர், அதற்கும் தயாரானார்கள்.

விவாதத்தை குறித்து அறிந்து வைத்துள்ள எவருக்கும் புரியக்கூடிய ஒரு அடிப்படையான விஷயம் - இந்த பைபிள் இறை வேதமா என்கிற விவாதம் என்றால், அதில் முஸ்லிம்கள் கேள்வி கேட்ககூடியவர்களாகவும், கிறிஸ்தவர்கள் பதில் சொல்லக்கூடியவர்களாகவும் இருக்க வேண்டும் என்பதாகும்.

என்ன காரணதால் பைபிளை இறை வேதம் என்று சொல்கிறீர்கள்?
மனித கையாடல் பல, பைபிளில் இருப்பதாக ஆதாரங்கள் தந்திருக்கிறோமே, இவைகளுக்கு என்ன பதில்?
இவையெல்லாம் கடவுள் வார்த்தையாக இருக்க முடியுமா?

என்றெல்லாம் முஸ்லிம்கள் கேட்கின்ற கேள்விகளுக்கு பதில் சொல்லி, பைபிளை இறை வேதம் தான் என்று நிலைநாட்ட வேண்டிய கடமை கிறிஸ்தவர்களுக்கு உண்டு. இதற்கு ஏற்றார்ப்போல தான் தலைப்பையும் நாம் ஒப்பந்தத்தின் போது முடிவு செய்திருந்தோம்.

ஆனால், இந்த விவாதத்தின் துவக்கத்தில் இருந்தே, கிறிஸ்தவர்கள் கடைப்பிடித்த முறையானது, முஸ்லிம்களை மட்டுமல்லாது, அவர்கள் அழைத்து வந்த கிறிஸ்தவ பார்வையாளர்களையும் கூட வியப்பிலும், அதிர்ச்சியிலும் ஆழ்த்தியது.

ஏனெனில், இரண்டு நாட்கள் நடைபெற்ற விவாதத்தில், துவக்கம் முதல் இறுதி அமர்வு வரை, இன்னின்ன காரணத்தால் தாங்கள் புனிதம் என்று கருதும் பைபிள் இறை வேதம் தான் என்பதை இவர்கள் சொல்லவேயில்லை!

ஒரே ஒரு காரணத்தை கூட சொல்லாமல், இரண்டு நாட்களையும் கடத்தினார்கள் என்பது, தங்கள் பரமபிதாவின் நாமத்தை போற்றுவார்கள் என்று யாரை நம்பி அந்த பார்வையாளர்கள் வந்தார்களோ, அவர்கள் அனைவரையும் மிகுந்த ஏமாற்றமடைய செய்தது என்பதற்கு, இரண்டாம் நாளில் அவர்கள் அணியில் காலியாகி விட்ட கிட்டத்தட்ட 85 இருக்கைகளே சாட்சி பகர்ந்தது !!

சரி, பைபிள் இறை வேதமா இல்லையா என்கிற தலைப்பில் பேச வந்து விட்டு, பைபிள் இறை வேதம் தான் என்பதற்கு ஆதாரம் சொல்லாமல், இரண்டு நாட்கள் கடத்துவதற்கும் ஒரு திறமை வேண்டுமா இல்லையா? அந்த திறமையை அழகாக அவர்கள் காட்டினார்கள்.
எப்படி?

தவ்ஹீத் ஜமாஅத் தரப்பில், பைபிளில் இன்னின்ன வசனங்களில், அகோரமான, ஆபாசமான வார்த்தைகளும் கதைகளும் சம்பவங்களும் சொல்லப்பட்டிருக்கின்றனவே, இதை ஒரு மனிதன் சொன்னான் என்று சொன்னாலே எங்களை செருப்பால் அடிக்க வருவார்களே, நீங்கள் என்னவென்றால், இதை இறைவன் சொன்னான் என்று சொல்கிறீர்களே, உங்கள் இறைவன் இவ்வளவு மட்டரகமா? என்று அடுக்கடுக்காக பல கேள்விகளும் ஆதாரங்களும் முன்வைக்கப்பட்டது.

இவைகளுக்கு முறையான பதில்களை சொல்லி, இந்த வசனத்தில் நீங்கள் சொல்வது போல இல்லை என்றோ, அல்லது இந்த வசனம் இப்படி தான் சொல்கிறது, அதற்கு இன்ன விளக்கம் என்றோ சொல்லி, தங்கள் வேத நூலை பாதுகாக்க கடமைப்பட்டவர்கள், அதற்க்கெல்லாம் மூச்சு விடாமல், உங்கள் குர் ஆனிலும் தானே விந்து என்கிற வார்த்தை உள்ளது, உங்கள் குர் ஆனிலும் தான் விபச்சாரம் பற்றி சொல்லப்பட்டிருக்கிறது, ஹதீஸிலும் தானே இப்படி உள்ளது என்று சிறு பிள்ளை விளையாட்டை விளையாடிக்கொண்டிருந்தனர்.

அடப்பாவிகளா! உங்கள் பைபிளில், காம களியாட்டங்கள், பெண்களின் மார்புகளை மாதுளைபழங்கலாக ஒப்பீடு செய்யும் ஒப்பீடுகள், அண்ணன்-தங்கை தகாத உறவு, கள்ளக்காதல் கதைகள் என்று உங்கள் பைபிள் என்பது ஒரு முழு நீள காமக்கதை புத்தகத்தை ஒத்து இருக்கிறதே என்று கேட்டால், அதற்கு பதில் சொல்லி உங்கள் தூய்மையை நிலைநாட்ட வேண்டிய கட்டாயத்தில் இருப்பவர்கள், குர் ஆனிலும் தானே விந்து என்று வருகிறது, அதிலும் தானே விபச்சாரம் குறித்து பேசப்படுகிறது என்று சொல்கிறீர்களே, விந்து வந்தால் குளிப்பது கடமை, விந்து வந்தால் சுத்தம் செய்துக்கொள்ளாமல் தொழுகைக்கு வராதீர்கள், விபச்சாரம் செய்தால் மரண தண்டனை என்று சொல்வது ஆபாசமா? இப்படி தான் பைபிளிலும் ஆபாசம் இருக்கிறது என்று நாங்கள் சொல்கிறோமா?

இதை கேட்டால் அதற்கும் பதில் இல்லை. சமாளித்து சமாளித்து பார்த்து ஒன்றும் வேலைக்காகாது என்றவுடன், குர் ஆனிலும் தானே அடிமைப்பெண்களுடன் உறவு வைத்துக்கொள்ளலாம் என்று உள்ளது என்று அடுத்து சொல்லலாயினர். பைபிளில் இத்தனை வண்டவாளங்கள் இருக்கின்றன என்று குற்றம் சுமத்தி உள்ள தவ்ஹீத் ஜமாஅத்தினருக்கு, பதிலை சொல்லாமல், குர் ஆனிலும் தானே இருக்கிறது என்று வறட்டு வாதம் புரிந்து கொண்டிருந்தனர் இந்த கிறிஸ்தவர் பாதிரிக்கூட்டம். இவ்வாறு சமாளிப்பீர்கள் என்று தெரிந்தே தான், குர் ஆன் இறை வேதமா இல்லையா என்பதை தனி தலைப்பாக விவாதிப்பதற்கு ஏதுவாக அடுத்த வாரம் ஏற்பாடு செய்யப்பட்டிருக்கிறது, அந்த விவாதத்தின் போது குர் ஆனை குறித்து கேளுங்கள், இப்போது பைபிளுக்கு பதில் சொல்லுங்கள் என்று ஒரே முடிவுடன் தவ்ஹீத் ஜமாஅத் இருந்தனர்.

இருப்பினும், ஓரிரு ஹதீஸ்களை அவர்களது மனம் போல திரிபு வேலை செய்து, வார்த்தைகளை மாற்றியமைத்து விவாதத்தில் சமர்ப்பித்த போது, வெகுண்டெழுந்த சகோ. பிஜே, இதற்குரிய மூல ஆதாரங்களை தர வேண்டும், இல்லையேல், பகிரங்கமாக மன்னிப்பு கேட்க வேண்டும் என்று ஆவேசப்பட்டார்.

ஹதீஸ் என்று எதை சொன்னாலும் நம்பி விடுவார்கள் என்று தப்புக்கணக்கு போட்டுக்கொண்டு வந்த பாதிரிக்கூட்டம், மார்க்க ஞானத்தில் உச்சாணிக்கொம்பில் இருக்கிற தவ்ஹீத் ஜமாஅத் ஆலிம்களிடம் இவர்களது திரிபு வேலை எடுபடாது என்று ஆனவுடன் செய்வதறியாது திகைத்தனர். பின்னர், சுதாரித்து, நாங்கள் ரஹ்மத் ட்ரஸ்டில் எடுத்தோம் என்று ஒரு ஆதாரத்தை தந்தனர்.

அந்த ஆதாரமாவது உண்மையா என்று பார்த்தல் இல்லை. விடாமல், சகோ. பிஜே, அது ரஹ்மத் ட்ரஸ்டில் இவர்கள் சொல்லும் பாகத்தில் இல்லை - பொய் சொல்கிறார்கள் என்றனர்.
பின்னர், இல்லை, நாங்கள் onlinepj தளத்தில் பார்த்தோம் என்றனர். onlinepj தளத்திலும் அவ்வாறு இல்லை, தற்போது நேரடி ஒளிபரப்பு ஓடிக்கொண்டிருக்கிறது என்பதால் இணையதளத்தை திறப்பது முடியாது , ஆகவே உங்களை அடுத்த வார தலைப்பின் போது கவனித்துக்கொள்கிறேன் என்று கூறி, இந்த விஷயத்தை முடிவுக்கு கொண்டு வந்தார் சகோ. பிஜே.

அடுத்து, பைபிள் இறை வேதம் தான் என்பதை தாங்கள் வைத்திருக்கிற பைபிளின் மூலமே நிரூபிக்க கடமைப்பட்டவர்கள், அதை செய்யாமல், உங்கள் குர் ஆனில் தவ்ராத்தை பற்றி சொல்லப்பட்டிருக்கிறதே, இன்ஜீலை குறித்து சொல்லப்பட்டிருக்கிறதே, அவை அனைத்தையும் அல்லாஹ் தான் ஈசா நபிக்கு (ஜீசுஸ்) கொடுத்ததாக சொல்கிறானே, அப்படியானால், இந்த கால பைபிளில் மனித கையாடல் உள்ளது என்று சொல்வது, அல்லாஹ், தவ்ராத்தையும் இன்ஜீலையும் பாதுகாக்கவில்லை என்று தானே ஆகிறது என்று கேள்வி வைத்தனர்.

ஆனால், இந்த வாதமாவது சரியா என்று பார்த்தால் அதுவும் சரியில்லை ! பைபிள் இறை வேதம் தான் என்பதை பைபிளை கொண்டே நிரூபிக்க வேண்டியவர்கள், அதை கூட குர் ஆனை கொண்டு நிரூபிக்கிற கட்டாயத்தில் தான் உள்ளனர் என்று ஒரு போடு போட்டார் சகோ. பிஜே.
மேலும், குர் ஆனில் அல்லாஹ் சொல்லியுள்ள தவ்ராத் மற்றும் இன்ஜீலுக்கும் இன்று உங்கள் கைகளில் இருக்கிற பைபிளுக்கும் எந்த சம்மந்தமும் இல்லை என்று விளக்கினார்.

இது உங்கள் சுயக்கருத்து, இதற்க்கான ஆதாரத்தை தர முடியுமா என்று மறு வாதம் வைத்தவர்களை நோக்கி, எந்த குர் ஆனில் தவ்ராத்தையும் இன்ஜீலையும் குறித்து சொல்லப்பட்டிருக்கிறதோ, அதே குர் ஆனில் தான், ஈசா நபிக்கு வழங்கப்பட்ட இன்ஜீலுக்கான சில அடையாளங்களையும் சொல்லபட்டிருக்கிறது என்றார்.
ஈசா நபிக்கு வழங்கப்பட்ட அந்த இன்ஜீலில் இருப்பதாக ஓரிரு வசனங்களை அல்லாஹ் குர் ஆனில் மேற்கோள் காட்டுகிறான் என்று அதற்குரிய வசனங்களை வாசித்தார் சகோ. பிஜே.
இந்த வசனம், நீங்கள் வைத்திருக்கிற பைபிளில் இருக்கிறது என்று காட்டி விட்டால், அந்த கால தவ்ராத், இன்ஜீலும் இன்றைய பைபிளும் ஒன்று தான் என்பதை நானே ஒப்புக்கொள்கிறேன் என்று அறைகூவல் விடுத்தார்.

இதை சற்றும் எதிர்ப்பார்க்காத பாதிரிகள், மீண்டும் தலைப்பை திசை திருப்பி, சகோ, பிஜே எழுதிய இது தான் பைபிள் நூலில் அது தவறு, இது தவறு என்று சம்மந்தமில்லாமல் பேச துவங்கினர்.

முதல் நாளின் இறுதி அமர்வில், சகோ. அப்பாஸ் அலியும், சகோ. செய்து இப்ராஹீமும் பைபிளில் உள்ள ஆபாசங்களை ஒரு பக்கம் பட்டியல் இட, மற்றொரு பக்கம், சகோ. கலீல் ரசூல் அவர்கள், பைபிளின் மூலப்ப்ரதிகள் எவ்வாற இருந்தன, ஒவ்வொரு நூற்றாண்டுகளிலும் அது எவ்வாறு மனித கையாடல்கள் மூலம் திருத்தப்பட்டன, எத்தனை எத்தனை முரண்பாடுகள் தோன்றின என்பதையெல்லாம் தக்க ஆதாரங்களுடனும், மூல பிரதிகளை ப்ரஜக்டரின் மூலம் காண்பித்தும் அழகிய முறையில் விளக்கினார்.

ஏற்கனவே இந்த பாதிரிகள் எதிர்க்கொண்ட விவாதங்களில் இப்படிப்பட்ட வாதங்களை எதிர் கொள்ளாததால், தவ்ஹீத் ஜமாத்தின் இந்த ஆழமான ஆதாரங்களை கண்டு குலை நடுங்க துவங்கினர் என்பது, விவாதத்தை கண்டு வந்த அனைவருக்கும் புரிய துவங்கியது .

எதற்கும் பதில் இல்லை என்று ஆனவுடன், இப்படியெல்லாம் ஆதாரம் என்ற பெயரில் சொல்வீர்கள் என்று எங்களுக்கு தெரியும், உங்களை விட எல்லாம் மிகப்பெரிய முஸ்லிம் அறிஞர்கள் எழுதிய "பைபிளில் நூறு தவறுகள்" போன்ற நூல்களுக்கு எல்லாம் பல மறுப்பு நூல்கள் இருக்கின்றன. அவைகளையும் கொண்டு தான் வந்துள்ளோம் என்றனர் பாதிரிகள்.

சரி, மறுப்பு நூல்களை தான் கொண்டு வந்திருக்கிறீர்களல்லவா? அப்படியானால், அந்த நூல்களில் இருந்து வாசித்து எங்களுக்கு மறுப்பு தர வேண்டியது தானே என்று தவ்ஹீத் ஜமாத்தினர் கேட்டனர். அதற்கும் பதில் இல்லை!

உங்கள் சுய சிந்தனையை உபயோகித்து தான் எங்கள் கேள்விகளுக்கு பதில் சொல்ல இயலவில்லை , குறைந்த பட்சம், வேறு அறிஞர்கள் எழுதிய நூல்களில் இருந்தாவது மறுப்பு தர வேண்டியது தானே? அதையும் உங்களால் செய்ய இயலவில்லை என்றால் இதன் பொருள் ?, உங்களிடம் மறுப்பு இல்லை ! எந்த முஸ்லிம் அறிஞர்கள் பைபிளில் நூறு தவறுகள் என்று நூல் எழுதியதாக சொல்கிறேர்களோ, அந்த நூலில், நாங்கள் இப்போது காட்டியிருக்கிரோமே, அந்த குற்றச்சாட்டுகள் இல்லை ! அதனால் தான் எங்களின் இந்த குற்றச்சாட்டுகளுக்கு உங்கள் அறிஞர்களின் மறுப்பு நூல்களில் பதில் இல்லை, என்று ஆணித்தரமாக வாதம் வைத்தனர் தவ்ஹீத் ஜமாத்தினர்.

இரண்டாம் நாளின் இறுதியில், சரி, பைபிளில் இருந்து நீங்கள் தான் எந்த ஆதாரத்தையும் காட்டி அதை இறை வேதம் என்று நிரூபிக்கவில்லை, நானே same side goal போட்டு, உங்களுக்கு பாயின்ட் எடுத்து தருகிறேன் என்று துவங்கினார் சகோ. பிஜே.

என்ன வித்தியாசமாக சொல்கிறாரே என்று பார்த்தால்,

பைபிளில், எவருக்காவது கடுகளவு இறை நம்பிக்கை இருக்கிறதோ, அவர் பூ என்று ஊதினால் மலை பறந்து விடும், கொடிய விஷம் கொண்ட சர்ப்பம் (பாம்பு) தீண்டினாலும் சாக மாட்டார், கொடிய விஷயத்தை அருந்தினாலும் உயிர் பிழைத்த கொள்வார், என்று சொல்லப்பட்டிருக்கிறது.
இங்கு வந்திருக்கிற அனைவருக்கும் கடுகளவாவது இறை நம்பிக்கை இருக்கும். எனக்கு மலையை எல்லாம் இங்கு கொண்டு வர முடியாது - இதோ இந்த பேப்பர் வெயிட் - இதை பூ என்று ஊதி தள்ளி விடுங்கள், நான் பைபிளை இறை வேதம் என்று ஒப்புக்கொள்கிறேன் என்றார்.

அதோடு நிறுத்திக்கொள்ளாமல், கையோடு ஒரு விஷ பாட்டில் ஒன்றையும் எடுத்துக்கொண்டு வந்த சகோ. பிஜே, இதை ஜெர்ரி தாமஸ் அணியினரிடம் கொடுத்து இதை அருந்தி விட்டு உயிருடன் இருந்து காட்டுங்கள் என்றார்.

இந்நேரம் வயிற்ரை கலக்கியிருக்கும் அவர்களுக்கு. ஆத்திரத்தில் எடுத்து குடித்தாலும் குடித்து விடுவார்கள் என்று தான் நாமும் எண்ணினோம். ஆனால், அவர்கள் வழக்கம் போல, உங்கள் குர் ஆனிலும் ஹதீஸிலும், நோய் ஏற்பட்டாலோ , எந்த விஷம் உடம்பில் ஏறினாலோ, இந்த பேரீச்சம் பழத்தை ஒற்றைப்படை எண்ணிக்கையில் சாப்பிட்டால் உயிர் பிழைப்பார் என்று இருக்கிறதே , நீங்களே இந்த விஷத்தையும் குடித்து இந்த பேரீச்சம் பழத்தையும் சாப்பிட்டு காட்டுங்கள் என்று திருப்பி கொடுத்தார்.

இதை ஏற்கனவே எதிர்பார்த்த தவ்ஹீத் ஜமாத்தினர், நீங்கள் ஹதீஸ் என்று எதை சொல்கிறீர்களோ, அது ஹதீஸ் அல்ல, அது பொய், கட்டுக்கதை ! இதை அடுத்த வார தலைப்பில் கேளுங்கள், அக்கு வேறு ஆணி வேறாக அன்றைக்கு விளக்குகிறோம். சரி, இது தான் உங்கள் வாதம் என்றால், நாங்கள் எப்படி இந்த ஹதீசை பொய் என்று அறிவிக்கிறோமோ, அதே போன்று பைபிளையும் பொய் என்று அறிவித்து விடுங்கள், பிரச்சனை இல்லை என்றனர் !

இதற்கு பதில் சொன்னவர்கள், பைபிளில், இயேசுவை யாரும் பரீட்சித்து பார்க்க கூடாது என்று சொல்லப்பட்டுள்ளது, ஆகவே நாங்கள் இதை பரீட்சைக்கு வர மாட்டோம் என்று பின் வாங்கினர்.

விடாமல் சுற்றி வளைத்த சகோ. பிஜே, இயேசுவை நாங்கள் பரீட்சிக்கவில்லை, உங்களை தான் பரீட்சிக்கிறோம், இது இயேசுவின் வார்த்தையா அல்லது நீஎங்கள் திரித்துள்ளீர்களா என்பதை தான் பரீட்சிக்கிறோம் என்று கூறினார்.

அதோடு, எந்த பைபிள் வசனத்தில், இயேசுவை பரீட்சித்து பார்க்க கூடாது என்று ஏசுவே சொல்கிறாரோ, அதே வசனத்தின் கடைசியில், இயேசு அந்த பரீட்சையில் கலந்து கொள்கிறார் என்று தான் வருகிறது என்பதையும் சகோ. பிஜே சுட்டிக்காட்டினார்.

அதாவது, என்னை பரீட்சிக்காதீர்கள் என்று சொல்லிக்கொண்டே, அந்த பரீட்சையில் கலந்து கொண்டுள்ளார் இயேசு. அதே போன்று, எங்களை பரீட்சிக்காதீர்கள் என்று சொல்லிக்கொண்டே அந்த விஷத்தை நீங்கள் அருந்தத்தான் வேண்டும், பைபிளும் அருந்த தான் சொல்கிறது என்று ஒரே போடாக போட்டார் பிஜே.

வெலெவெலெத்துப் போன பாதிரிகூட்டம், செய்வதறியாது திகைத நிலையிலேயே விவாதத்தின் இறுதி அமர்வு வந்தது.. இறுதியாக பேசிய சகோ. பிஜே, தலைப்பை நிலைநாட்ட வேண்டி ஒரே ஒரு ஆதாரத்தை கூட எதிர் அணி வைக்காமல் இருப்பது மிகவும் ஆச்சர்யமான ஒரு விஷயமாக உள்ளது. நாங்கள் எதிர்க்கொண்ட விவாதங்களிலேயே இந்த விவாதம் தான் மிகவும் அதிசயமானது என்றார்.

பைபிளில் உள்ள ஆபாசங்கள் என்றும் முரண்பாடுகள், பொய்கள், கட்டுக்கதைகள் என்றும் எத்தனை விஷயங்களை அள்ளிப்போட்டோம், அவைகளுக்கெல்லாம் பதிலை சொல்லாமல் உங்கள் குர் ஆனிலும் தானே இப்படி உள்ளது, ஹதீஸிலும் தானே அப்படி உள்ளது என்று இப்படி சமாளிக்கிரீர்களே, குர் ஆன் குறித்தோ, ஹதீஸ் குறித்தோ கேட்பதாக இருந்தால் அடுத்த வாரம் வாருங்கள், இன்றைக்கு நீங்கள் தலை குனிந்து நிற்ப்பதை போன்று அன்று நாங்கள் தலை குனிந்து நிற்க மாட்டோம். ஆணித்தரமான பதில்களை நாங்கள் தருவோம் என்று கூறி முடித்தார்.

ஆங்கிலத்தில் Clean Sweep என்று சொல்கிற அளவிற்கு, முழுமையான வெற்றியை நமக்கு பெற்றுதந்த அந்த அல்லாஹ்வுக்கே எல்லா புகழும் !!

விவாதத்திற்கு வருவார்களா தப்லீக் மவ்லவிமார்கள்?

விவாதத்திற்கு வருவார்களா தப்லீக் மவ்லவிமார்கள்? 

ஹெம்மாத்தகமையில் ஏற்பட்ட தவ்ஹீத் புரட்சி. 

(VIDEO - வெளியீடு)

இலங்கை முஸ்லீம்கள் வாழும் ஊர்களில் பழமை வாய்ந்த நகரங்களில் ஒரு முக்கிய நகரம் ஹெம்மாதகமை எனலாம். இலங்கை மக்களுக்கு மத்தியில் அதிகமான ஆலிம்களை கொண்ட ஊராக அறியப்பட்ட இவ்வுரில் பலவிலதமான கொள்கைகளையும் கொண்ட மவ்லவிமார்களும் இருக்கிறார்கள்.

குறிப்பாக தவ்ஹீத் பேசிய ஆலிம்களையும், அதற்கு எதிராக ஆலிம்களையும் நிறையப் பெற்ற ஒரு ஊர் இந்த ஹெம்மாதகமை.

கடந்த 25.11.2011 வெள்ளிக் கிழமை இஷா தொழுகைக்குப் பின் ஹெம்மாதகமை தப்லீக் மர்கஸில் பித்அத் என்றால் என்ன என்ற தலைப்பில் உரையாற்ற எங்களுக்கு அனுமதி வேண்டும், பித்அத்தைப் பற்றி ஏகத்துவ வாதிகள் என்ன சொல்கிறார்கள் என்பதை நீங்கள் தெளிவாக அறிந்து கொள்ள வேண்டும் அதற்காக நாங்கள் உங்களுக்கு பித்அத்தைப் பற்றிய தெளிவைத் தரத் தயார் என்று சொன்ன நேரத்தில் பள்ளியின் மேல் மாடியில் ஊர் மக்கள் அனைவரையும் வரவழைத்து அவர்களுக்கு உங்கள் பிரச்சாரத்தை நீங்கள் செய்யலாம் என்று பள்ளி நிர்வாகம் தெரிவித்ததையடுத்து அங்குள்ள தவ்ஹீத் ஜமாத் சகோதரர்கள் இதற்குறிய ஏற்பாடுகளை செய்தார்கள்.

உலமாக்கள் முன்னிலையில் கொள்கையை உடைத்துப் பேசிய ஸ்ரீ லங்கா தவ்ஹீத் ஜமாத்.

ஸ்ரீ லங்கா தவ்ஹீத் ஜமாத் சார்பாக சகோதரர் ரஸ்மின் M.I.Sc மற்றும் சகோதரர் பர்ளீன் M.I.Sc ஆகிய இருவரும் பித்அத் பற்றி தப்லீக் ஜமாத் உலமாக்களுக்கு மத்தியிலேயே விளக்கம் தருவதற்காக ஹெம்மாதகமைக்கு சென்றார்கள்.

சரியாக மாலை 7.30 அளவில் பித்அத் ஓர் ஆய்வு என்ற தலைப்பில் சகோதரர் ரஸ்மின் M.I.Sc அவர்கள் உரையாற்ற ஆரம்பித்தார். உரையின் ஆரம்பத்தில் இருந்தே பித்அத்தின் கோட்டையான தப்லீக் பள்ளியின் தலைவர் மற்றும் துணைத் தலைவர் உள்ளிட்ட நிர்வாகத்தினர் அனைவரும் அங்கிருந்தார்கள்.

பள்ளியின் தலைவரும் துணைத் தலைவரும் 7 வருடங்கள் மத்ரஸாவில் ஓதி பட்டம் பெற்ற உலமாக்கள். இவர்கள் தவிர இன்னும் சில உலமாக்களும் அங்கிருந்தார்கள்.

பள்ளியின் துணைத் தலைவராக இருந்த ரியாஸ் மவ்லவி என்பவர்தான் அனைத்து பித்அத்துக்களுக்கும் துலாக் கோலாக செயல்படுபவர். தலையில் மிகப் பெரிய தலைப்பாகை அணிந்து முழு நீல ஜுப்பா அணிந்திருக்கும் அவர் தான் அங்குள்ள தப்லீக் சகோதரர்களுக்கு ரோல் மாடல் என்று கூட சொல்ல முடியும்.

உரையின் ஆரம்பத்தில் “லா இலாஹ இல்லல்லாஹ்” தொடர்பான விளக்கம் கொடுக்கப்பட்டதன் பின் மார்கம் முழுமையாக்கப்பட்டு விட்டதனையும், நபியவர்களுக்குப் பின் இந்த மார்கத்தில் எந்தவொரு செயல்பாட்டையும் மார்கம் என்று யாரும் காட்டித் தர முடியாது. அல்லாஹ்வும், அவனுடைய தூதரும் காட்டியதற்கு மாற்றமாக யார் எதைச் சொன்னாலும் அது மார்கமாக மாற முடியாது என்பது குர்ஆன் மற்றும் ஸஹீஹான ஹதீஸ்களின் துணையுடன் தெளிவாக விளக்கப்பட்டது.

அதனைத் தொடர்ந்து நமது சமுதாயத்தில் மார்க்கம் என்ற போர்வையில் பரவியுள்ள பித்அத்துக்கள் என்னென்ன அதனால் ஏற்பட்ட விளைவுகள் என்ன என்பதைப் பற்றியெல்லாம் பட்டியல் போட்டு விளக்கம் கொடுக்கப்பட்டது.

தொழுகையின் ஆரம்பத்தில் நிய்யத் என்ற பெயரில் ஓதப்படும் சில அரபி வாசகங்கள்.

ஐங்காலத் தொழுகையின் பின் ஓதும் கூட்டு துஆ.

சுப்ஹுத் தொழுகையில் ஓதப்படும் குனூத்.

ஜும்மாவிற்கு சொல்லப்படும் இரண்டு பாங்குகள்,

ஜும்மாவில் இமாம் மஹ்ஷர் ஓதுவது,

ஜும்மாவில் கையில் ஒரு தடியை வைத்துக் கொண்டிருப்பது.

மரணித்தவர்களுக்கு கத்தம் ஓதுவது,

நல்ல நாட்கள் என்ற போர்வையில் பாத்திஹாக்களை ஓதுவது,

கந்தூரி கொடுப்பது,

போன்ற பல பித்அத்தான காரியங்கள் பட்டியல் போடப்பட்டு விளக்கப்பட்டதுடன் தொப்பி, தலைப்பாகை, ஜுப்பா என்பன சுன்னத்தா இல்லையா? என்பது போன்ற பல விஷயங்களும் சொற்பொழிவில் தெளிவாக விளக்கப்பட்டது.

அழகான கேள்விகளும், தெளிவான பதில்களும்.

பித்அத் செய்பவர்கள் நரகவாதிகள் என்றால் எங்கள் பள்ளியைச் சேர்ந்த உலமாக்களின் நிலை என்ன?

பயான் முடிந்தவுடன் கேள்வி, பதில் நிகழ்சி ஆரம்பமாகியது. கேள்வி, பதில் நிகழ்ச்சியில் முதலாவதாக கேட்ட சகோதரர் பித்அத் தொடர்பான தனது சந்தேகத்தை முன்வைத்தார்.

நபியவர்கள் காட்டித்தந்தவைகளை மாத்திரம் தான் பின்பற்ற வேண்டும் என்கிறீர்கள். நபியவர்கள் காட்டித் தராத கூட்டு துஆ, குனூத் போன்றவை மார்கத்தில் இல்லாத புதிதாக உருவாக்கப்பட்ட பித்அத்துக்கள் என்றும் சொன்னீர்கள். அதற்கு ஆதாரமாக நீங்கள் கூறிய ஹதீஸில் மார்க்கத்தில் புதிதாக உருவாக்கப்படுபவைகள் பித்அத்துக்கள், பித்அத்துக்கள் அனைத்தும் வழிகேடுகள், வழிகேடுகள் அனைத்தும் நரகத்தில் நம்மை சேர்க்கும் என்று தெரிவித்தீர்கள்.

அப்படியாயின் எங்கள் பள்ளி மவ்லவி மற்றும் ரியாஸ் மவ்லவி உள்ளிட்டவர்கள் தினமும் ஐங்காலத் தொழுகையின் பின் கூட்டு துஆ ஓதுகிறார்கள், சுப்ஹுத் தொழுகையில் குனூத் ஓதுகிறார்கள், கத்தம் பாத்திஹா போன்ற மார்கம் காட்டித் தராத பல பித்அத்துக்களை செய்கிறார்கள் இவர்கள் அனைவரும் நரகம் தான் செல்வார்களா? என்று பித்அத் செய்யும் உலமாக்கள் முன்னிலையில் இந்தக் கேள்வியை முன்வைத்தார்.

கேள்விக்கு பதிலளித்த ஸ்ரீ லங்கா தவ்ஹீத் ஜமாத்தின் பிரச்சாரகர் சகோதரர் ரஸ்மின் அவர்கள் கேள்விக்குறிய பதிலை நபியவர்களே நமக்குக் கற்றுத் தந்திருக்கிறார்கள் – உங்கள் கேள்விக்குறிய பதிலாக நான் எனது கருத்தை சொல்லமாட்டேன் நபியவர்களின் ஹதீஸையே சொல்கிறேன் என்று கூறிவிட்டு.

பித்அத் தொடர்பாக நபியவர்கள் கூறிய ஹதீஸை எடுத்துக் கூறினார்.

உரையில் சிறந்தது அல்லாஹ்வின் வேதம் ஆகும். வழிகாட்டுதலில் சிறந்தது முஹம்மது (ஸல்) அவர்களின் வழிகாட்டுதலாகும். காரியங்களில் மிகக் கெட்டது (மார்கத்தில்) புதிதாக உருவாக்கப்பட்டதாகும். (மார்கத்தில்) புதிதாக உருவாக்கப்பட்ட ஒவ்வொன்ரும் வழிகேடாகும். ஒவ்வொரு வழிகேடும் நரகத்திற்கு இட்டுச்செல்லும் என்று நபி (ஸல்) அவர்கள் கூறினார்கள். (ஆதாரம் : நஸாயீ – 1560)

அதன் பின் அந்த ஹதீஸிற்கு விளக்கம் சொல்லும் போது பித்அத் செய்பவர்களுக்குறிய தண்டனை நரகம் தான் என்று நபியவர்கள் கூறியுள்ளார்கள். இதனடிப்படையில் சத்தியம் எது? அசத்தியம் எது? என்பதை இந்த உலமாக்கள் தெரிந்ததன் பின்னாலும் மார்கத்தில் இல்லாத பித்அத்துக்களை செய்வார்கள் என்றால் இஸ்லாத்தின் பார்வையில், நபியவர்களின் ஹதீஸின் படி நரகத்துக்குறிய காரியத்தை இவர்கள் செய்கிறார்கள் என்பது தெளிவானது.

இதனை நானாக சொல்லவில்லை. நபி (ஸல்) அவர்கள் தான் சொல்கிறார்கள். அதனால் தயவு செய்து பித்அத் செய்யும் உலமாக்கள் இன்றிலிருந்து அதைவிட்டு நீங்கி நபியவர்களின் வழிகாட்டுதல் படி தங்கள் இபாதத்துக்களை அமைத்துக்கொள்ள முன்வர வேண்டும் இல்லாவிட்டால் அல்லாஹ்விடத்தில் நாளை மறுமையில் இவர்கள் மாபெரும் குற்றவாளிகளாக நிற்பார்கள். என்று பித்அத் செய்யும் உலமாக்களின் முன்னிலையிலேயே சத்தியக் கொள்கை தெளிவாக சொல்லப்பட்டது.

ஆதாரமின்றி திண்டாடிய 20 வருட ஆலிம்(?).

நபியவர்களின் தெளிவான ஹதீஸை வைத்து நாம் கூறிய பதிலை ஏற்றுக் கொள்ளும் மனப் பக்குவமில்லாமல் பித்அத்திற்கு துணை போக வேண்டும் என்பற்காக கருத்துக் கூறுவதற்காக எழுந்த பள்ளியின் துணைத் தலைவர் ரியாஸ் மவ்லவி அவர்கள்,

நமது தரப்பு பேச்சாளர் ஆற்றிய உரையை குருடன் யானையைப் பார்ப்பது போன்றது என்று வர்ணித்துவிட்டு,

நீங்கள் பித்அத் செய்வர்கள் நரகம் என்று சொல்வது மக்கள் மத்தியில் குழப்பத்தை உண்டாக்கும். நான் 20 வருடங்களுக்கு மேலாக குர்ஆன், சுன்னாவை ஆய்வு செய்கிறேன். இன்று இரவு இஷா தொழுகைக்குக் கூட நாங்கள் கூட்டு துஆ ஓதத்தான் செய்தோம். அப்படியிருக்கையில் இது நரகத்திற்குறிய செயல் என்று நீங்கள் சொல்வது தவறு என்று தனது வாதத்தை முன்வைத்தார்.

யானையைப் பார்த்ததாக சொன்ன குருடன் யார்?

அவருடைய கருத்துக்கு பதிலளித்த நமது பிரச்சாரகர், 20 வருடங்கள் குர்ஆன், சுன்னாவை ஆய்வு செய்ததாக சொல்லுகிறீர்களே இருபது வருடங்கள் நீங்கள் செய்த ஆய்வில் ஒரு ஹதீஸையாவது உங்கள் பித்அத்திற்கு ஆதாரமாக காட்ட முடியுமா?

பித்அத்தை செய்து கொண்டு குர்ஆன், சுன்னாவை ஆய்வு செய்வதாக கூறுவது தான் உண்மையில் குருடன் யானையைப் பார்த்த கதையாக உள்ளது என்பதை ரியாஸ் மவ்லவி தெளிவாக விளங்கிக் கொள்ள வேண்டும். அது மட்டுமன்றி உண்மையில் நீங்கள் 20 வருடன் மார்க்கத்தைப் படித்தவர் என்றால் நீங்கள் செய்யும் பித்அத்துக்களுக்கு ஆதாரத்தை சமர்ப்பிக்க முடியுமா? இன்று விடிய விடிய வேண்டுமானாலும் நாங்கள் நிற்கத் தயார் நீங்கள் தயாரா? என்று ஒன்றுக்கு பல முறை கேட்டும் பதில் தரத் திராணியற்று மௌனித்துப் போனார் 20 வருட ஆலிம்(?)

குழம்பியது யார்? பொது மக்களா? பித்அத் ஆலிம்களா? பதில் கொடுத்தார் பள்ளியின் தலைவர் நிஸாம் மவ்லவி அவர்கள்.

நமது பயானை பற்றிய விளக்கம் சொல்ல முற்பட்ட 20 வருட ஆலிம்(?) ரியாஸ் அவர்கள். இந்த பயானைக் கேட்டவர்கள் அனைவரும் தற்போது குழம்பிப் போய் இருக்கிறார்கள் என்று கூறி தூய்மையான மார்க்கத்தை தெளிவாக புரிந்து கொண்ட ஹெம்மாத்தகமை மக்களை திசை திருப்ப முயற்சி செய்தார்.

அப்படி அவர் சொல்லும் போதே எழுந்து நின்ற பள்ளிவாயளின் தலைவர் சகோதரர் நிஸாம் ஆலிம் அவர்கள் ரியாஸ் மவ்லவி சொல்வதைப் போல் இங்கு யாரும் குழம்பிப் போகவில்லை மார்க்கத்தை அறிவதற்காகத் தான் அனைவரும் கூடினார்கள். இங்கு சொல்லப்பட்ட கருத்துக்களை மிகத் தெளிவாக மக்கள் விளங்கியிருக்கிறார்கள் அதனால் மக்கள் குழம்பிப் போயிருக்கிறார்கள் என்று கூறி வீனாக மக்களை குழப்பும் வேலையை ரியாஸ் மவ்லவி செய்யத் தேவையில்லை என்று மிகத் தெளிவான பதிலை ரியாஸ் மவ்லவியை நோக்கி அனைத்து சகோதரர்களுக்கும் மத்தியில் அவர்களின் இடத்திலேயே கூறினார்.

நடத்தப்பட்ட பயானினால் குழம்பிப் போனவர்கள் கை தூக்குங்கள் என்றார் 20 வருட ஆலீம் ரியாஸ் அவர்கள். அப்போது அங்கு கூடியிருந்தவர்களின் அவருக்கு சாதகமாக வெரும் மூன்று பேர்கள் மாத்திரம் தான் கைதூக்கினார்கள். மற்ற அனைத்து சகோதரர்களும் நடத்தப்பட்ட பயான் எங்களுக்கு தெளிவைத் தான் உண்டாக்கியது என்பதற்கு சாட்டியாளர்களாக மாறினார்கள். அல்ஹம்துலில்லாஹ்.

சத்தியத்தை மறைக்க முயன்று தனக்கு சாதகமாக ஆள் சேர்க்க நினைத்த அசத்தியவாதியை அல்லாஹ் மக்களுக்கு இணங்காட்டினான்.

கை உயர்த்தச் சொல்லி மூக்குடைபட்ட 20 வருட ஆலிம் செய்வதறியாது திகைத்துப் போனார்.

இனிமேல் கூட்டு துஆ ஓத மாட்டேன் என்று கூறி சத்தியத்தை ஏற்றுக் கொண்ட பள்ளித் தலைவர் சகோதரர் நிஸாம் மவ்லவி.

பிரச்சினை முற்றிப் போன நேரத்தில் மக்களை அமைதிப் படுத்தும் விதமாக பேச ஆரம்பித்த பள்ளியின் தலைவர் மவ்லவி நிஸாம் அவர்கள் நானும் இவ்வளவு காலமாக கூட்டு துஆ, குனூத் போன்ற பித்அத்துக்களை செய்திருக்கிறேன். அல்லாஹ்விடத்தில் அதற்கு நான் மண்ணிப்புக் கேட்டுக் கொள்வேன் இனிமேல் இந்த பித்அத்தான காரியங்களை நான் செய்யமாட்டேன் என்று மக்கள் மத்தியில் உறுதி கூறுகிறேன் என்று சத்தியக் கொள்ளையை ஏற்றுக் கொண்ட செய்தியை சந்தோஷமாக அறிவித்தார்.

எவருக்கு அல்லாஹ் நன்மையை நாடுகிறானோ அவரை மார்கத்தில் விளக்கம் பெற்றவராக ஆக்கிவிடுகின்றான் என்று நபி ஸல் அவர்கள் கூறினார்கள். (ஆதாரம் : புகாரி – 71)

என்ற ஹதிஸை சுட்டிக் காட்டிய பள்ளியின் தலைவர் இந்நிகழ்ச்சியின் மூலம் நமக்கு அல்லாஹ் நலவை நாடியிருக்கிறான். ஆகையினால் இச்சந்தர்பத்தை நாம் தவறவிடக் கூடாது.

ரியாஸ் மவ்லவி உள்ளிட்டவர்கள் தங்கள் பித்அத்துக்களை மக்கள் மத்தியில் நிரூபிக்க வேண்டும். அதனால் ஸ்ரீ லங்கா தவ்ஹீத் ஜமாத்துடன் ரியாஸ் மவ்லவி உள்ளிட்ட பித்அத் செய்யும் ஆலிம்கள் பகிரங்க விவாதம் ஒன்றை செய்து தங்கள் கருத்தை நிரூபித்துக் காட்டாத வரை நாம் இதை விட்டுவிட மாட்டோம்.

நான் இன்னும் 07 மாதங்கள் இந்தப் பள்ளியின் தலைவராக இருப்பேன் அதற்குள் கண்டிப்பாக இரு தரப்புக்கும் இடையிலான பகிரங்க விவாதம் ஒன்றிற்கு நாம் ஏற்பாடு செய்யத் தயாராக இருக்கிறோம். அதற்கு இங்கு வந்துள்ள அனைத்து சகோதரர்களும் உங்கள் ஒத்துழைப்பை தரவேண்டும் என்று கூறினார்.

அதைத் தொடர்ந்து இறுதியாக பேசிய ஸ்ரீ லங்கா தவ்ஹீத் ஜமாத்தின் பிரச்சாரகர் சகோதரர் ரஸ்மின் அவர்கள் ஹெம்மாதகமை மக்கள் பித்அத்தை விட்டு சுன்னாவின் பக்கம் திரும்ப வேண்டும். குர்ஆனையும், நபி (ஸல்) அவர்களின் வாழ்க்கை வழிகாட்டுதலையும் மாத்திரம் தான் நாம் பின்பற்ற வேண்டும். அதனால் மார்க்கத்திற்கு முரனான பித்அத்தான காரியங்களை செய்யும் ரியாஸ் ஆலிம் உள்ளிட்டவர்களுடன் பகிரங்க விவாதம் ஒன்றுக்கு ஏற்பாடு செய்வதுடன் தூய்மையான முறையில் இஸ்லாத்தைப் பின்பற்றுவதற்கு தயாராகும்படியும் கேட்டுக் கொண்டதுடன், பித்அத்துக்களை தூக்கியெறிந்து சுன்னாவின் பக்கம் சத்தியக் கருத்தை ஏற்றுக் கொண்ட பள்ளித் தலைவருக்கும் நன்றி தெரிவித்துவிட்டு, நிகழ்ச்சியை முடித்துக் கொண்டார்.

இறுதிக் கட்டமும் இனிமையாக…………………….

பித்அத் வாதிகளுடன் கண்டிப்பாக விவாத ஏற்பாட்டை செய்வதாக உறுதியளித்த ஹெம்மாதகமை சகோதரர்கள் அனைவரும் நிகழ்சியின் இறுதியில் நமது ஜமாத் பிரச்சாரகர்களான சகோதரர் பர்ளீன் மற்றும் ரஸ்மின் ஆகியோருடன் கை குலுக்கி – முஸாபஹா செய்து சத்தியத்தை ஏற்றுக் கொண்ட தங்கள் சந்தோஷத்தைப் பரிமாறிக் கொண்ட காட்சி உள்ளத்தை குளிர வைத்தது. எல்லாப் புகழும் அல்லாஹ் ஒருவனுக்கே!


அல்லாஹ்வின் ஒளியைத் தமது வாய் களால் ஊதி அணைக்க நினைக்கின்றனர். (தன்னை) மறுப்போர் வெறுத்தாலும் அல்லாஹ் தனது ஒளியை முழுமைப்படுத்துபவன்.(61:08)

'உண்மை வந்து விட்டது. பொய் அழிந்து விட்டது. பொய் அழியக் கூடிய தாகவே உள்ளது” என்றும் கூறுவீராக! (அல்குர்ஆன் 17: 81)

வீடியோவைப் பாருங்கள்.

சகோதரர் அர்ஹம் தடுமாறுவது ஏன் – விவாத ஒப்பந்தத்தின் பின் மீண்டும் அர்ஹம் அவர்கள் அனுப்பிய கடிதமும், நமது பதிலும்

ஸ்ரீ லங்கா தவ்ஹீத் ஜமாத்திற்கும் சகோதரர் அர்ஹம் மவ்லவி அவர்களுக்கும் இடையில் கடந்த சில நாட்களுக்கு முன்பாக இரண்டு தலைப்புக்களில் விவாத ஒப்பந்தம் நடை பெற்றமை வாசகர்கள் அறிந்ததே! விவாதத்திற்கான இடமும் நேரமும் குறிப்பிடப்பட்டு விவாத ஒப்பந்தம் கைச்சாத்திடப்பட்ட சில நாட்களிலேயே தான் விவாதத்தில் இருந்து ஒதுங்கிக் கொள்வதாக சகோதரர் அர்ஹம் அவர்கள் தொலை பேசி மூலம் நமது தலைமைக்கு அறிவித்தார் (அவர் அறிவித்த ரெகோடிங் நமது கைவசம் உள்ளது)

அதற்கு எழுத்து மூலம் அதனை எழுதித் தருமாறு ஜமாத் வேண்டுகோள் விடுத்த நேரம் அவர் நமது தலைமையகத்திற்கே நேரடியாக வந்து ஒரு கடிதத்தை சமர்ப்பித்தார்.

(அப்போது அவர் நம்முடன் பேசிய விஷயங்கள் வீடியோ பதிவு செய்யப்பட்டுள்ளது.)

தலைமையத்திற்கு வந்து ஒரு கடிதத்தைத் தந்தவர் தபால் மூலமாக மீண்டும் ஒரு கடிதத்தை அனுப்பியிருந்தார். இரண்டு கடிதத்திற்கும் சேர்த்து நமது ஜமாத் சார்பாக பதில் கடிதம் அனுப்பப்பட்டுள்ளது.அவற்றைக் கீழே தருகிறோம்.

2011.10.29 அன்று நமது தலைமையத்திற்கு வந்து சகோதரர் அர்ஹம்  தந்த கடிதம்.

2011.11.04 அன்று தபால் மூலமாக  சகோதரர் அர்ஹம் அனுப்பிய கடிதம்.

 

2011.11.05 அன்று நாம் சகோதரர் அர்ஹம் அவர்களுக்கு அனுப்பிய கடிதம்.

அர்ஹம் மவ்லவி உடனான விவாத ஒப்பந்தத்தின் வீடியோ காட்சிகள்

அர்ஹம் மவ்லவி உடனான விவாத ஒப்பந்தத்தின் வீடியோ காட்சிகள்

சகோதரர் அர்ஹம் மவ்லவியுடன் விவாத ஒப்பந்தம் போடப்பட்டது. அல்ஹம்துலில்லாஹ்-ஒப்பந்த அசல் பிரதிகளுடன் (மூன்றாம் இணைப்பு)

ஸ்ரீ லங்கா தவ்ஹீத் ஜமாத்திற்கும், சகோதரர் அர்ஹம் மவ்லவி அவர்களுக்கும் இடையில் இன்று (01.10.2011) சனிக்கிழமை கொழும்பு, மாபோலை, அன்டனா வத்தையில் வைத்து விவாத ஒப்பந்தம் போடப்பட்டது. 

விவாத தலைப்புகளும் இரு தரப்பின் நிலைபாடுகளும்.

அறிவிப்பாளர் வரிசையில் ஆதாரபூர்வமாக இருக்கும் எந்த ஹதீஸும் குர்ஆனுக்கு முரண்படாதா?

ஸ்ரீ லங்கா தவ்ஹீத் ஜமாஅத்தின் நிலைபாடு.

அல்லாஹ்வின் வஹீயில் அருவருப்பும், முரண்பாடும் இராது. ஒரு வஹீ இன்னொரு வஹீயுடன் முரண்படாது. இறைத்தூதரின் சுன்னத் வஹீயின் ஒரு பகுதியாகும். அது திருக்குர்-ஆன் என்னும் வஹீயுடன் முரண்படாது. சரியான அறிவிப்பாளர்கள் வரிசையோடு வந்துள்ள சில செய்திகள் திருக்குர்-ஆனுக்கு முரணாகவும், குர்-ஆனை சந்தேகத்திற்கும், கேலிக்கும் உரியதாக ஆக்கும் வகையிலும் இருக்குமேயானால் அவை நபிகள் நாயகம் (ஸல்) அவர்கள் சொன்னது அல்ல. அவை மறுக்கப்பட வேண்டியவையாகும்.

மவ்லவி அர்ஹம் தரப்பினரின் நிலைபாடு.

சரியான அறிவிப்பாளர் வரிசையில் ஆதாரப்பூர்வமாக இருக்கும் ஹதீஸ்களை குர்ஆனுக்கு முரன் என்று யார் நிராகரிக்கிறார்களோ அவர்கள் நேர்வழியில் இருந்து விலகிச் செல்கிறார்கள்.

ரமலான் மற்றும் பெருநாளை தீர்மானிப்பதில் குர்ஆன் சுன்னா அடிப்படையில் பிறையைப் பற்றிய சரியான நிலைப்பாடு எது ?

ஸ்ரீ லங்கா தவ்ஹீத் ஜமாஅத்தின் நிலைபாடு.

உலகில் ஏதேனும் ஒரு பகுதியில் பார்க்கப்படும் பிறை உலகம் முழுவதையும் கட்டுப்படுத்தும். அதன் அடிப்படையில் உலகிலுள்ள முஸ்லீம்கள் தங்கள் ரமலானையும் பெருநளையும் தீர்மானிக்க வேண்டும்' என்ற எதிர்தரப்பினரின் நிலைப்பாட்டுக்கு திருக்குர்ஆனிலும் நபிவழியிலும் எவ்வித வழிகாட்டலுமில்லை என்பதும் அவ்வாறு கூறுபவர்கள் தங்களின் மனோ இச்சைகளையே பின்பற்றுகின்றனர் என்பதும் ஸ்ரீ லங்கா தவ்ஹீத் ஜமாத்தின் நிலைப்பாடாகும்.

மேலும், ஒரு பகுதியில் பார்க்கப்பட்ட பிறையின் அடிப்படையில் உலகம் முழுவதுமுள்ள முஸ்லீம்கள் ரமலான் நோன்பை துவங்குவதும் முடிப்பதும் பெருநாளை முடிவு செய்வதும் திருக்குர்ஆனுக்கும் நபி வழிக்கும் மாற்றமானது முரணானது எதிரானது எனவே வழிகேடானதும் ஆகும் என்பது ஸ்ரீ லங்கா தவ்ஹீத் ஜமாத்தின் நிலைப்பாடாகும்.

  

மவ்லவி அர்ஹம் தரப்பினரின் நிலைபாடு.

தத்தமது பகுதியில் மாத்திரம் பிறை பார்ப்பது நேர் வழி அல்ல.

இரு தரப்பிலும் விவாதத்தில் கலந்துகொள்பவர்கள் விபரம்.

ஸ்ரீ லங்கா தவ்ஹீத் ஜமாத் சார்பாக கலந்துகொள்பவர்கள்.

சகோதரர் ரியாஸ் M.I.Sc

சகோதரர் ரஸ்மின் M.I.Sc 

சகோதரர் பர்சான் (நளீமி)

சகோதரர் பர்ளீன் M.I.Sc 

சகோதரர் அப்து ராசிக் B.COM

சகோதரர் ஹிஷாம். M.I.Sc 

சகோதரர் ரஸ்மி B.COM

சகோதரர் அர்ஹம் மவ்லவி தரப்பினால் கலந்து கொள்பவர்கள்.

சகோதரர் அர்ஹம் (இஹ்சானி)

சகோதரர் ரமீஸ் (ஸலபி)

சகோதரர் பஸால் (ஸலபி)

சகோதரர் நஷ்மல் (பலாஹி)

சகோதரர் சிபான் (அஸரி)

சகோதரர் முஹம்மத் (ரஹ்மானி)

சகோதரர் அஸ்பர் (பலாஹி)

ஒப்பந்தத்தின் நகல் பிரதி.

விவாத ஒப்பந்த வீடியோக்கள் மிக விரைவில் வெளியிடப்படும் இன்ஷா அல்லாஹ்.

அர்ஹம் மவ்லவி உடனான விவாதம் ஒப்பந்தம் கைசாத்திடப்பட்டது. (இரண்டாம் இணைப்பு)

அர்ஹம் மவ்லவி மற்றும் ஸ்ரீலங்கா தவ்ஹீத் ஜமாதினருக்கும் இடையிலான விவாத ஒப்பந்தம் கைச்சாத்திடப்பட்டது. அல்ஹம்துலில்லாஹ்

அர்ஹம் மவ்லவி உடனான விவாதம் ஒப்பந்தம்

சகோதரர் அர்ஹம் மொவ்லவி அவர்களுக்கும் ஸ்ரீ லங்கா தவ்ஹீத் ஜமாஅதினருக்கும் இடையிலான விவாதம் ஒப்பந்தம் இன்று (01/10/2011) காலை 10.45 மணியளவில் மாபோலை அண்டென்னா வத்தை எனும் இடத்தில் நடை பெற்றுக்கொண்டிருக்கின்றது. ஒப்பந்தம் பற்றிய முழு விபரம்  மற்றும் விவாத ஒப்பந்த வீடியோ காட்சிக்ள் இன்ஷா அல்லாஹ் மிக விரைவில் எமது தலைமை இனையத்தலளத்தில் வெளியிடப்படும்

அனுராதபுரம், கலாவெவயில் நடந்தது என்ன?

அனுராதபுரம், கலாவெவயில் நடந்தது என்ன? 

விவாதத்திலிருந்து பின்வாங்கிய பித்அத்வாதிகள்.

அன்பின் சகோதரர்களே!

'உண்மை வந்து விட்டது. பொய் அழிந்து விட்டது. பொய் அழியக் கூடிய தாகவே உள்ளது” (17-81)

கடந்த 17.09.2011 சனிக்கிழமை மாலை அனுராதபுர மாவட்டத்தில் முஸ்லீம்களை அதிகமாக கொண்ட ஊரான கலாவெவயின் பழைய கொமினிகேஷன் ஜங்ஷன் (டீகோ டவர்) பகுதியில் இஸ்லாமிய மார்க்க விளக்க நிகழ்ச்சி ஒன்றை ஸ்ரீ லங்கா தவ்ஹீத் ஜமாஅத் கலாவெவைக் கிளையினர் ஏற்பாடு செய்திருந்தனர். இந்நிகழ்ச்சியில் இஸ்லாத்தின் பெயரால் நமது சமுதாய மக்கள் செய்யும் மார்க்கத்தில் இல்லாத பித்அத்தான காரியங்கள் எவை? அவற்றை செய்பவர்களின் மறுமை நிலை என்ன? என்ற தலைப்பில் ஜமாத்தின் பிரச்சாரகரும், அழைப்பு மாத இதழின் துணை ஆசிரியருமான சகோதரர் ரஸ்மின் M.I.Sc அவர்கள் கலந்து கொண்டு உரையாற்றினார்.

நடந்தது என்ன? 

பித்அத் மற்றும் இணைவைத்தல் என்றால் என்ன? என்ற தலைப்பில் உரை நிகழ்த்தப்பட்டதின் பின்னால் பகிரங்க கேள்வி பதில் நிகழ்ச்சியும் ஏற்பாடு செய்யப்பட்டிருந்தது.

மார்க்க விஷயமாக உள்ள சந்தேகங்களுக்கு குர்ஆன் மற்றும் ஸஹீஹான ஹதீஸ்களின் அடிப்படையில் பதில் தரும் விதமாக ஏற்பாடு செய்யப்பட்ட நிகழ்ச்சியில் ஆரம்பமாக சில கேள்விகள் கேட்க்கப்பட்டு அதற்கு மார்க்க அடிப்படையில் ஆதாரத்துடன் விளக்கம் சொல்லப்பட்டுக் கொண்டிருக்கும் போது நிகழ்ச்சியை தடுக்க வேண்டும் என்ற எண்ணத்தில் அங்கு வந்த சில விஷமிகள் வேண்டுமென்று கூச்சலிட்டு நிகழ்ச்சியின் ஒழுங்கை கெடுப்பதற்கு பெரும் பிரயத்தனத்தை மேற்கொண்டார்கள்.

பகிரங்க சவாலும், வாயடைத்த பித்அத்வாதிகளும்.

மார்க்கத்தின் பெயரால் செய்யப்படும் பித்அத்தான காரியங்கள் பட்டியலிடப்பட்டு பகிரங்க விவாத சவால் விடப்பட்டது. நடு ஊருக்குள் நடந்த பகிரங்க நிகழ்ச்சியில் ஊரில் இருக்கும் பித்அத்தை ஆதரிக்கும் ஒரு மவ்லவியால் கூட சவாலை எதிர் கொண்டு தாங்கள் செய்வதை சரியென்று நிரூபிக்க திராணியற்றுப் போனதைக் கண்ட பல சகோதரர்கள் சத்தியம் எது? அசத்தியம் எது? என்பதைத் தெளிவாக அறிந்து கொண்டார்கள்.

பகிரங்க சவால் விடுத்து பட்டியல் போடப்பட்ட சில பித்அத்துக்கள்.

ஐங்காலத் தொழுகையின் பின் கூட்டு துஆ ஓதுவது.

சுப்ஹுத் தொழுகையில் குனூத் ஓதுவது.

ஜும்மாவில் இரண்டு பாங்கு சொல்லுவது.

பெருநாள் தொழுகையை பள்ளியில் தொழுவது.

மரணித்தவர்களுக்கு கத்தம் பாத்திஹா ஓதுவது.

மவ்லிது என்ற பெயரில் நபி பிறந்த தினம் கொண்டாடுவது.

மார்க்கத்தின் பெயரால் தொப்பி அணிவது.

மரணித்தவருக்கு யாசீன் ஓதுவது.

தராவீஹ் என்ற பெயரில் 23 ரக்அத்துக்கள் தொழுவது.

தாயத்து போடுவது.

போன்றவை நபியவர்கள் காட்டித்தராத மார்க்கத்தில் புதிதாக உருவாக்கப்பட்ட பித்அத்துக்களாகும். இந்த பித்அத்துக்களை செய்பவர்கள், அதனை சரிகாண்பவர்கள். பகிரங்க விவாதத்தில் அதனை நிரூபிக்கத் தயாரா? என மைக்கில் பல முறை அறிவிக்கப்பட்டும் அங்கிருந்த யாரும் இந்த சவாலை ஏற்றுக் கொள்ளவில்லை.

சட்டியில் இருந்தால் தானே கரண்டியில் வரும்.

அல்லாஹ்வின் தூதர் (ஸல்) அவர்கள் கூறினார்கள் : நம்முடைய இந்த (மார்க்க) விவகாரத்தில் இல்லாததைப் புதிதாக யாராவது உண்டாக்கினால் அது நிராகரிக்கப்படும்.

அறிவிப்பவர் : ஆயிஷா (ரலி) அவர்கள். நூல் : புகாரி 2697 

தொப்பியை தூக்கியெறிந்து சுன்னாவை ஏற்றுக் கொண்ட முதியவர்.

தான் தனக்கு நினைவு தெரிந்த நாள் முதல் தொப்பி அணிந்து வருவதாகவும் தொப்பி அணிவது சுன்னத் - நபி வழியென்றுதான் தனக்கு சொல்லித் தந்ததாகவும் அதனை இதுவரைக்கும் பின்பற்றி வந்திருக்கிறேன். உண்மையில் இஸ்லாத்தில் தொப்பியின் நிலை என்ன? தொப்பியின்றி இந்த  பௌத்த - புத்த மதத்தை ஆட்சி மதமாகக் கொண்ட இலங்கையில் முஸ்லீம்கள் தங்களை அடையாளம் காட்டுவது எப்படி? என்று ஒரு முதியவர் கேள்வியெழுப்பினார்.

அதற்கு தொப்பியைப் பற்றிய இஸ்லாத்தின் நிலைப்பாடு மற்றும் இலங்கையில் முஸ்லீம்கள் தங்களை அடையாளம் காட்டிக் கொள்ள என்ன செய்ய வேண்டும் என்பதைப் பற்றியெல்லாம் பதில் சொல்லப்பட்டதும். உடனே அந்த முதியவர் தான் அணிந்திருந்த தொப்பியைக் கலட்டிவிட்டு தவ்ஹீத் ஜமாத்தின் சொல்வது தான் சரியான கொள்கை என்பதை ஏற்றுக் கொண்டு தான் அணிந்திருந்த தொப்பியைக் கலட்டி வைத்துவிட்டார். அல்ஹம்துலில்லாஹ்.

சுப்ஹு குனூத்தும்> விவாதத்திற்கு பின்வாங்கிய பித்அத் வாதிகளும்.

பயான் நிகழ்ச்சிக்குப் பின் நடந்த கேள்வி பதில் நிகழ்ச்சியில் கேள்வி கேட்பதாக சொல்லிக் கொண்டு  வந்த ஒருவர் (இவர் எப்படிப்பட்டவர் என்பது ஊராருக்கு தெளிவாக தெரிந்த உண்மை) சுப்ஹு தொழுகையில் குனூத் ஓதக் கூடாது என்பதற்கு ஆதாரம் என்ன? என்று கேள்வியெழுப்பினார்.

நபியவர்களின் வாழ்நாளில் ஒரு தடவை கூட சுப்ஹு தொழுகையில் குனூத் என்ற ஒன்றை ஓதவில்லை. அப்படி ஓதியதற்கு ஸஹீஹான ஹதீஸ்களில் எந்த ஆதாரமும் இல்லை. அதனால் தான் சுப்ஹு தொழுகையில் குனூத் ஓதுவது பித்அத் என்று நாம் கூறுகிறோம். நீங்கள் செய்வது நபிவழியில் இருந்தால் ஆதாரத்தை நீங்கள் காட்டுங்கள் என்று நமது தரப்பால் பதில் சொல்லப்பட்டது.

அப்போது அதை எதிர்த்துக் கூச்சலிட்ட குறிப்பிட்ட மேதாவி (?) இல்லை என்பதற்கு என்ன ஆதாரம் என்று தன்னை ஒரு அறிவாளி என்று நினைத்துக் கொண்டு அடிமட்ட முட்டாள் தனமான கேள்வியை முன்வைத்தார்.

இல்லை என்பதற்கு நபியவர்கள் செய்யவில்லை என்பதுதான் ஆதாரம். சுப்ஹுத் தொழுகையில் குனூத் இருக்கிறது என்றால் ஹதீஸைக் காட்டுங்கள். என்று சிறு பிள்ளைக்கும் விளங்கும் விதமாக நமது தரப்பு பேச்சாளர் பதில் சொல்லியது அங்கிருந்த அனைவருக்கும் விளங்கினாலும் குறிப்பிட்ட அறிவாளி(?)க்கு மாத்திரம் விளங்காமல் போனது ஏனோ?

சுப்ஹு குனூத் தொடர்பாக பகிரங்க விவாதத்திற்கு தயாரா? என்று பல முறை நமது தரப்பு மவ்லவி அழைப்பு விடுத்தும் எங்களுக்கு விவாதத்திற்கு வர முடியாது என்று பித்அத் வாதிகள் பகிரங்கமாக ஒத்துக்கொண்டார்கள். (அவர்கள் ஒத்துக் கொண்ட காட்சி வீடியோவாக பதியப்பட்டுள்ளது)

பகிரங்க சவால்.

கடந்த சனிக்கிழமை நடந்த நிகழ்ச்சியில் விவாத அழைப்பு விடுக்கப்பட்டு பகிரங்கமாக மைக்கில் அறிவிப்பு விடப்பட்டும் விவாத சவாலை ஏற்றுக்கொண்டு தாம் செய்வதை குர்ஆன் மற்றும் ஸஹீஹான ஹதீஸ்களின் அடிப்படையில் நிரூபிப்பதற்கு பித்அத் ஆதரவாளர்கள் தயாராகவில்லை.

மாறாக வெற்று வீராப்பு பேசும் இவர்கள் அடுத்த நாள் குனூத் தொடர்பான ஒரு துண்டுப் பிரசுரத்தை மாத்திரம் ஊரில் ஆங்காங்கு விநியோகம் செய்திருந்தார்கள். தாங்கள் செய்வது மார்க்க அடிப்படையில் அமைந்தது தான் என்றால் அதை நிரூபிப்பதற்கு கிடைத்த அருமையான சந்தர்ப்பம் சனிக்கிழமை இரவு பகிரங்க கேள்வி பதில் நிகழ்ச்சி - நமது பேச்சாளர் தான் இரவு முழுவதும் நின்று விவாதிப்பதற்கும் தயார் என்று கூறியும் வெற்று வீராப்பு பேசிய பித்அத்வாதிகள் அதை அந்த இடத்தில் நிரூபித்து விவாதிக்க அல்லது ஆதாரத்தை கொண்டுவந்து காட்டுவதற்கு தயாராகவில்லை.

மீண்டும் சொல்கிறோம்.

அன்பின் இஸ்லாமிய சகோதரர்களே! இவர்கள் செய்யும் அனைத்தும் பித்அத்துக்கள் என்பதை பகிரங்க விவாதத்தில் குர்ஆன் மற்றும் ஸஹீஹான ஹதீஸ்களின் அடிப்படையில் நாம் நீரூபிக்கத் தயாராக இருக்கிறோம். சம்பந்தப் பட்டவர்கள் தயாரா?  

கேள்வி பதில் நிகழ்வின் வீடியோ காட்சியை இங்கு வெளியிடுகிறோம்.

இலங்கை ஜமாஅதே இஸ்லாமியிற்கு SLTJ யின் பகிரங்க விவாத அழைப்பு