பெருநாள் தொழுகையை தடுத்த விஷமிகள் – நேகமையில் தாக்கப்பட்ட தவ்ஹீத் சொந்தங்கள்.

அனுராதபுர மாவட்டம் நேகமையில் திடலில் பெருநாள் தொழுகை நடத்தியதற்காக பித்அத் வாதிகளினால் தாக்கப்பட்ட சகோதரர்கள்.

கடந்த பெருநாள் தினத்தில் ஸ்ரீ லங்கா தவ்ஹீத் ஜமாத் சார்பாக வழமை போல் எல்லாக் கிளைகளிலும் பெருநாள் திடல் தொழுகை நடத்துவதற்கு ஏற்பாடுகள் செய்யப்பட்டிருந்தது. அனுராதபுர மாவட்டம் பலாகல தேர்தல் தொகுதிக்குற்பட்ட நேகம என்ற ஊரிலும் ஸ்ரீ லங்கா தவ்ஹீத் ஜமாத் நேகம கிளை சார்பாக குர்ஆன் மற்றும் ஸஹீஹான ஹதீஸ்களின் அடிப்படையில் தொழுகையை நிறைவேற்ற வேண்டும் என்ற எண்ணத்தில் அதற்குறிய ஏற்பாடுகள் செய்யப்பட்டன.

நேகம பெரிய பள்ளி நிர்வாகத்தைச் சேர்ந்த பித்அத் வாதிகள் திடல் தொழுகையைத் தடுப்பதற்கு பல விதமான முயற்சிகளையும் மேற்கொண்டார்கள்.

சரியாக காலை 7.00 மணிக்கு தொழுகை நடத்துவதற்கு நமது சகோதரர்கள் தயாரான நேரத்தில் பித்அத் வாதிகள் ஒரு பெரும் கூட்டத்தினர் தொழுகையைத் தடுக்கும் நோக்கத்துடன் அங்கு வந்து குழுமினார்கள்.

பள்ளித் தலைவரின் லச்சனமும், பச்சைத் தூசனமும்.

தொழுகைக்காக நமது சகோதரர்கள் திடலுக்கு சென்றதிலிருந்து திடலுக்கு வெளியில் கூடி நின்ற பித்அத் வாதிகள் கடுமையான கெட்ட வார்த்தைகளைக் கொண்டு திட்டிக் கொண்டிருந்தார்கள்.

அதிலும் குறிப்பாக பெரிய பள்ளியின் தலைவராக இருக்கக் கூடியவர் பச்சை பச்சையாக கெட்ட வார்தைகளை மற்றவர்களை விடவும் ஆக்ரோஷமாகவும், அதிகமாகவும் அள்ளி வீசிக் கொண்டே திடலை நோக்கி வந்தார்.

தொழுகையைத் தடுத்த பாவிகள்.

தொழுகை ஆரம்பிப்பதற்கு முன்பே தொழுவதற்குத் தயாராகிய சகோதரர்களை நோக்கி கற்களைக் கொண்டும் தென்னை மரத்தின் மட்டைகள் மற்றும் தேங்காய்க் கோதுகளைக் கொண்டும் வீசி அடித்தார்கள். இதில் நமது சில சகோதரர்கள் பாதிக்கப்பட்டு இரத்தம் பீரிட்டமையும் குறிப்பிடத் தக்கதாகும்.

ஜமாத்தின் பேச்சாளர் சகோதரர் நப்லி (தவ்ஹீதி) அவர்கள் தொழுகையை ஆரம்பித்து தக்பீர் சொல்ல ஆரம்பித்த நேரம் தொழுகையைத் தடுப்பதற்காக வந்த பாவிகள் நமது சகோதரர்கள் தொழுத திடலுக்கு வந்தார்கள். தக்பீர் சொல்லிக் கொண்டிருந்த இமாமின் தக்பீரைப் பிரித்து தொழுகையை தடுத்தார்கள் மீண்டும் தக்பீர் சொல்லி தொழுகையை விடாது தொடர்ந்த சகோதரர் நப்லி அவர்களை சரமாரியாகத் தாக்கி கண்ணத்தில் அரைந்து தொழுத இடத்தை விட்டும் இழுத்தெடுத்து வெளியேற்றினார்கள்.

அதைத் தொடர்ந்து அங்கு தொழுகைக்காக நின்றிருந்த மற்ற சகோதரர்களையும் அவர்கள் தாக்க ஆரம்பித்தார்கள். ஆண், பெண் சிறுவர்கள் என்று அனைவரும் அல்லோல கல்லோலப்படும் அளவுக்கு பிரச்சினைக்கு மேல் பிரச்சினையை உண்டாக்கி நபி வழித் தொழுகைக்கு தடை விதிக்க முயன்றது அந்த பித்அத் கூட்டம்.

இந்த கயவர்களின் கொடூர தாக்குதலில் பாதிக்கப்பட்ட சகோதரர் நப்லி அவர்கள் கல்னாவை அரச வைத்தியசாலையில் அனுமதிக்கப்பட்டமை குறிப்பிடத் தக்கதாகும்.

நமது சகோதரர்களை பித்அத் வாதிகள் தாக்கிய வீடியோ விரைவில்  எமது தலைமையகத்தின் இனைய தளத்தில் வெளியிடப்படும் இன்ஷா அல்லாஹ்.

எகிப்திய எழுச்சியின் பின்னணியிலிருந்த இளம் பெண்மணி அஸ்மா மஹ்ஃபூஸ்

முபாரக்கின் மூன்று தசாப்த சர்வாதிகார ஆட்சியை ஆட்டங்காண வைத்து அவரை பதவியிலிருந்து விரண்டோட வைத்த மக்கள் எழுச்சிக்கு பின்னணியிலல் இருந்து செயற்பட்டவர்களில் ஒருவர்தான் அஸ்மா மஹ்ஃபூஸ் என்ற 26 வயதான இளம் யுவதி.கெய்ரோ அமெரிக்க பல்கலைககழகத்தில் வர்த்தக முகாமைத்துவத்தில் பட்டம் பெற்றவர்.

எகிப்தின் இந்த எழுச்சி இப்படித்தான் ஆரம்பமானது.

அஸ்மா மஹ்ஃபூஸ் தஹரீர் சதுக்கத்தில் ஒன்று சேர்ந்து முபாரக்கின் அடக்குமுறைக்கு எதிராக 2011 ஜனவரி 25ம் திகதி அன்று அணி திரளுமாறு எகிப்திய மக்களை உருக்கமாக அழைக்கும் ஒரு வீடியோவை தனது வலைப்பூவில் (புளக்கில்) பதித்தார்.

கடந்த 2008 ஆம் ஆண்டு எகிப்தின் அல்மஹல்லா அல் குப்ரா நகரத்தில் இடம்பெற்ற தொழிலாளர் போராட்டத்திற்கு அழைப்புவிடுத்து, ஆதரவு தெரிவித்து துவக்கப்பட்ட ‘ஏப்ரல் 6 இளைஞர் இயக்கம்’ என்ற ஃபேஸ் புக் குழுமத்தின் ஸ்தாபகர்களில் இந்த அஸ்மா மஹ்ஃபூசும் ஒருவர்.

இவர் பதித்த வீடியோ எகிப்தியர்களை எழ வைத்ததது.துனீசியாவில் போஅஸீஸி என்ற இளைஞன் தனக்குத்தானே வைத்துக்கொணட தீ அந்த நாட்டின் எதேச்சதிகார தலைமையை எப்படி அதிர வைத்தது என்பதையும் அந்த தூனிசிய புரட்சி ஏற்படுத்திய உத்வேகத்தில் எகிப்தில் தங்களை தாங்களே தீவைத்துக் கொளுத்திய 4 இளைஞர்களைப் பற்றிய தகவல்களுடன் அந்த வீடியோ இணையத்தில் வேகமாக உலாவியது.

அந்த வீடியோவில் அஸ்மா இப்படி உரையாற்றினார்,

“எகிப்தில் துனீசியாவைப் போல் புரட்சியை ஏற்படுத்த வேண்டுமென்ற ஆர்வத்தில் நான்கு இளைஞர்கள் தங்களை தாங்களே தீவைத்துக் கொளுத்தியுள்ளனர்.

அந்த இளைஞர்கள் சுதந்திரத்தையும், கண்ணியத்தையும் ஆவலுடன் எதிர்பார்த்திருந்தார்கள் அவர்கள். அவர்களில் ஒருவர் இறந்துவிட்டார். அவர் பாவம் புரிந்துவிட்டதாகவும். வீணாக தனது உயிரை பலிகொடுத்துவிட்டார் என்றும். அல்லாஹ் அவருடைய பாவங்களை மன்னிப்பானாக! என்றும் சிலர் இது குறித்து கருத்து தெரிவித்துள்ளனர். இது எவ்வளவு பெரிய வெட்கக்கேடு?”

“நாட்டில் ஒரு மாற்றத்தை வேண்டி தனது உயிரை தியாகம் செய்த அந்த இளைஞருக்கு ஆதரவு தேடி நான் தனியாக தஹ்ரீர் சதுக்கத்திற்கு சென்று சுலோகங்களை உயர்த்திப் பிடிக்கப்போகிறேன் என்று ஃபேஸ்புக்கில் ஒரு தகவலை பதிவு செய்தேன். ஒரு சிலராவது எனக்கு ஆதரவு தெரிவிப்பார்கள் என நினைத்தேதன். ஆனால், மூன்று இளைஞர்கள் மட்டும் எனக்கு ஆதரவு தெரிவிக்க முன்வந்தனர். எங்களுக்கு பின்னால் போலீஸ் கவச வாகனங்கள் அணிவகுத்து வந்தன.”

“ஹுஸ்னி முபாரக்கின் குண்டர் படையினரும், அதிகாரிகளும் எங்களை அச்சுறுத்தினர். பலம் பிரயோகித்து எங்களை அகற்றினர். சுயமாக தங்களை தீவைத்துக் கொளுத்தியவர்கள் மனநோயாளிகள் என அவர்கள் தெரிவித்தனர். மனநோயாளிகளாகயிருந்தால் ஏன் அவர்கள் பாராளுமன்ற கட்டிடத்திற்கு சென்று தீவைக்கவில்லை?” அஸ்மா வினா தொடுக்கிறார்

“ஜனவரி 25-ஆம் தேதி உங்கள் அனைவரையும் தஹ்ரீர் சதுக்கத்திற்கு அழைக்கத்தான் இந்த வீடியோவை பதிவு செய்கிறேன்.உங்களுக்கு தன்னம்பிக்கை இருக்குமானால், இந்த நாட்டில் கண்ணியமாக வாழ விருப்பம் இருக்குமானால் ஜனவரி 25-ஆம் தேதி போராட்டத்தில் நாம் குதிக்கவேண்டும். அரசியல் உரிமைகள் குறித்து ஒன்றும் நான் பேசவில்லை. மனித உரிமைகளாவது எமக்குக் கிடைக்கவேண்டும்.

உங்களில் யார் வந்தாலும், வராவிட்டாலும் நான் தனியாகவே தஹ்ரீர் சதுக்கத்திற்குச் செல்வேன். தீக்குளிப்பதற்காக அல்ல. என்னை பாதுகாப்பு அதிகாரிகள் சுட்டுக் கொன்றாலும் பரவாயில்லை.

நீங்கள் ஆணாக உங்களை கருதினால் என்னுடன் வாருங்கள்.

இந்த செய்தியை நீங்கள் எஸ்.எம்.எஸ், ட்விட்டர் போன்ற இணையதள சமூக வலையமைப்புகள் மூலம் ஆயிரக்கணக்கானோருக்கு அனுப்புங்கள்.” -

புரட்சி ஒன்றுக்கு போடப்பட்ட இந்த விதை எகிப்திய மக்கள் அனைவரினது உள்ளங்களிலும் ஆழமாக வேர் விட்டது. அஸ்மா மஹ்ஃபூஸின் அரசியல் மாற்றத்திற்கான இந்த அழைப்பு எகிப்தின் எட்டுத் திக்கும் வேகமாக பரவியது. இளைஞர்களின் இதயங்களை ஒன்றிணைத்து ஜனவரி 25-ஆம் தேதி தஹ்ரீர் சதுக்கத்தில் ஒன்றுக் கூட்டியது.

வீடியோ காட்சியின் இறுதியில் அவர் உருக்கமாக வேண்டுகிறார்
“அல்லாஹ்வைத் தவிர வேறு எந்த சக்திக்கும் அஞ்சாதீர்கள்.
“எந்த ஒரு சமூதாயத்தவரும், தம் நிலையயைத் தாமே மாற்றிக் கொள்ளாத வரையில், அல்லாஹ் அவர்களை நிச்சயமாக மாற்றுவதில்…” என தனது திருக்குர்ஆனில் இறைவன் குறிப்பிடுகிறான்.

ஜனவரி 25-ஆம் தேதி நான் தஹ்ரீர் சதுக்கத்திற்கு செல்வேன். பின்னர் நான் உரக்கக் கூறுவேன் “ஊழல் ஒழியட்டும்! முபாரக் அரசு ஒழியட்டும்! என ந◌ான் கோஷமிடுவேன்”

இது தான் அஸ்மாவின் வேண்டுகொள்.
இந்த இளம் யுவதியின் வேண்டுகொளுக்கு எகிப்திய மக்கள் செவி சாய்த்தார்கள்.
போராடினார்கள்.

அமரிக்கா, இஸ்ரேல், அரபு நாடுகளின் ஆசிர்வாத்தோடு வாழ்ந்த முபாரக்கின் ஆட்சி முற்றுப்பெற்றிருக்கிறது.

ஆனால் அதிகாரத்தை பங்கு போட்டுக்கொள்ள பலர் முண்டியடித்துக் கொண்டு முன் வந்துக்கொண்டிருக்கின்றார்கள்.

எகிப்தின் எதிர்காலம் எப்படி அமையும்..?
பொறுத்திருந்து பார்போம்.

இரட்டை கோபுரத்தை இடித்தது யார்?

தெறிவிப்பது நாங்கள் தீர்மானிப்பது நீங்கள்

இரட்டை கோபுரத்தை இடித்தது யார் என்று கேட்டால் அ...னைவரும் சொல்வது ஒசாமா பின்லேடன். ஒரு வீட்டை இடிப்பதற்க்கே 20லிருந்து 30 நபர்கள் தேவைப்படும்போது, உலகத்திலேயே மிக உயர்ந்த கட்டிடம் என்று பெயர் பெற்ற ஒரு கட்டிடத்தை ஒரு தனி மனிதனால் இடித்து தரை மட்டமாக்க முடியுமா?

முடியாது என்பதே பலரின் பதில். இரட்டை கோபுரத்தை இடித்ததில் தனி ஒரு மனிதனின் பெயரை குறிப்பிடுவதை விட அதை செய்தது ஒரு கூட்டம் என்று சொல்வதே சரியானது. அப்படியானால் இரட்டை கோபுரத்தை இடித்தது எந்த கூட்டம்? அலசுவோம் வாருங்கள்...

இரட்டை கோபுரம் தாக்கப்பட்ட நிகழ்விற்க்குப் பிறகு நடந்த சம்பவங்களை ஆராய்ந்து பார்த்தோமேயானால், இடித்தது எந்த கூட்டம் என்ற முடிவுக்கு வரலாம்: இரட்டை கோபுரம் தாக்கப்பட்டதில் பலருக்கும் பல சந்தேகம் உள்ளது.

வெடிகுண்டு உபயோகப்படுத்தப்பட்டுள்ளது

அமெரிக்காவில் உள்ள 75 பேராசிரியர்கள் (PROFESSOR) இந்த சம்பவம் அமெரிக்காவின் உள்வேளை என்றார்கள். ஸ்டீவ் ஜோன் என்ற பேராசிரிய கூறுகிறார்: 19 நபர்கள் சேர்ந்து இவ்வளவு பெரிய காரியத்தை செய்ய சாத்தியம் இல்லை.

இரட்டை கோபுரத்தில் உள்ள இரும்பு தூணானது ஜெட் பெட்ரோலினால் எதுவும் ஆகாது. அதுவும் இரட்டை கோபுரம் சரிந்ததை பார்த்தோமேயானால், அங்கே வெடிகுண்டு உபயோகப்படுத்தப்பட்டுள்ளதை அறியலாம். அவ்வாறு சொன்னதால் அவர் வேளை நீக்கம் செய்யப்பட்டார்.

இரட்டை கோபுரத்தின் தூண்களை 2000 டிகிரி சென்டிகிரேட் வெப்பத்தால் கூட எரிக்க முடியாது

இரட்டை கோபுரத்தின் தூண்கள் அதிக வலிமையுடன் கட்டப்பட்டது. அதனை விமானத்தின் பெட்ரோலால் எரிக்க முடியுமா என்றால், அது முடியாது என்பதுதான் பதில். விமானத்தின் பெட்ரோல் 1000 டிகிரி சென்டிகிரேட் வெப்பம் உள்ளது. இரட்டை கோபுரத்தின் தூண்களை 2000 டிகிரி சென்டிகிரேட் வெப்பத்தால் கூட எரிக்க முடியாது என்று அமெரிக்க நாட்டின் இரட்டை கோபுரத்தை கட்டிய கம்பெனி கூறியது. 10 நாட்கள் பிறகு, விமானத்தின் பெட்ரோல் இரட்டை கோபுரத்தின் தூண்களை எறிக்கும் என்றது. இவர்கள் யாரை ஏமாற்றுகிறார்கள்?

இரட்டை கோபுரத்தில் மோதியது பயணிகள் விமானமே அல்ல

விமானம் வளைந்த விதத்தை பற்றி விமான ஓட்டுனர் பலரிடும் கேட்டால், பயணிகள் விமானத்தை அவ்வாறு வளைப்பது சாத்தியமற்றது. ராணுவ விமானத்தை மட்டும் அவ்வாறு வளைக்க முடியும் என்கிறார்கள், என்பார்கள். (இதை யூத விமானியிடம் கேட்க கூடாது)

செல்ஃபோன் பேச்சு பச்சைப் பொய்

அடுத்து அவர்கள் சொல்லகூடிய முக்கிய தடையம் போன். பயணிகள் சிலர் தாங்கள் கடத்தப்பட்டுள்ளதை(!) வீட்டிற்கு தெரியப்படுத்துகிறார்கள். ஒரு போன், அம்மா! நான்தான் மார்க் பீகம். அம்மா! நான் பேசுவது கேட்கிறதா? அம்மா!.. அம்மா!.. (mom I am mark beegham. Can you hear me. Mao! Mom!.)

மொபைல் துறையில் நன்கு தேர்ச்சி பெற்றவர்களிடம் சென்று கேளுங்கள், 32000 அடி உயரத்தில் மொபைலில் எத்தனை % நெட்வர்க் கிடைக்கும் என்று.

நன்றாக தெரிந்துக்கொள்ளுங்கள்: 4000 அடியில் .04 % நெட்வர்க்தான் கிடைக்கும். 8000 அடியில் .01% நெட்வர்க்தான் கிடைக்கும். 32000 அடியில் .006% நெட்வர்க்தான் கிடைக்கும்.

நன்றாக சிந்தியுங்கள் சகோதரர்களே! 0% என்றால் நெட்வர்க்கே கிடைக்காது, .006% என்றால்?...

கருப்புப் பெட்டியைப் பற்றிய பொய்த்தகவல்

விமானம் விபத்துக்குன்டானால் முக்கிய தடையமாக கருதுவது அதன் கருப்புப்பெட்டி. ஒவ்வொரு விமானத்திலும் 2 கருப்புப்பெட்டி இருக்கும். கருப்புப்பெட்டியானது 3000 டிகிரி சென்டிகிரேட் வெப்பத்திலும் எதுவும் ஆகாது. அவ்வாறு இருக்க 1000 டிகிரி சென்டிகிரேட்-ல் கருப்புப்பெட்டி அழிந்து விட்டது என்று கூறுவது எவ்வளவு பெரிய பொய்.

உஸாமா பின் லேடனின் பேட்டியை இறுட்டடிப்பு செய்த ஊடகங்கள்

இரட்டை கோபுரத் தாக்குதலுக்கு 2 நாட்களுக்குப் பிறகு வும்ம என்ற பத்திரிக்கைக்கு ஒசாமா பின்லேடன் அழித்த பேட்டியில் குழந்தைகளையும், பெண்களையும், அப்பாவிகளையும் கொள்வது இஸ்லாம் தடை செய்துள்ளது என்றார். இரட்டை கோபுரத் தாக்குதலுக்கு ஒசாமா பின்லேடன்தான் காரணம் என்று காட்டிய ஊடகங்கள், அவர் அழித்த பேட்டியை காண்பித்ததா?. அல்-ஜஸிரா ஊடகத்தை தவிர.

ஒசாமா பின்லேடன் மீது அநியாயமாக பழியைப்போட்டது, ஆப்கானிஸ்தானில் உள்ள பெட்ரோல் வளத்தை கைப்பற்றவே!

இப்பொழுது சொல்லுங்கள்! இரட்டை கோபுரத்தை இடித்தது யார்?

SLTJ- Mabola கிளை சார்பாக பெருனாள் திடல் தொழுகை

ரமழான் மாதம் முழுவதும் நபி வழியில் இரவு வணக்கங்களை அழகுற நிரைவேற்றிய கொள்கை ச்கோதரர்கள் நோன்புப்பெருனாள் தினத்தன்று நபிவழி திடல் தொழுகையில் பங்கு பற்றும் காட்சிகள்

மீண்டும் பரவி வரும் H1 N1 இன்புளுவன்சா காய்ச்சலிலிருந்து எம்மை பாதுகத்துகொள்வோம்

இலங்கையில் வேகமாக பரவி வரும் இன்புளுவன்சா காய்ச்சல் பற்றி விடிவெள்ளி பத்திரிகை செய்தியை சமுதாய நலன் கருதி முழுமையாக மீள் பிரசுரிக்கின்றோம்
படத்தின் மீது கிளிக் செய்வதன் மூலம் வாசிக்க வசதியான அளவில் படத்தை காணலாம் 

மரண தண்டனை விதிக்கப்பட்ட கைதி ரிஸானாவின் கதி என்ன?

மரண தண்டனை விதிக்கப்பட்ட கைதி ரிஸானாவின் கதி என்ன?

பாத்திமா ஷாஹினா

இலங்கையைச் சேர்ந்த ரிஸானா நபீக் என்னும் பெண் சவூதி அரேபியாவில் தான் பணிப்பெண்ணாக பணியாற்றிய வீட்டில் நான்கு மாத வயதுடைய சிசுவின் மரணத்துக்கு காரணமென குற்றஞ் சாட்டப்பட்டு ரிஸானாவுக்கு 2007 ஆம் ஆண்டு ஜுலை மாதம் சவூதி நீதிமன்றம் மரண தண்டனையைத் தீர்ப்பாக வழங்கியது. இக்காலப் பகுதியில் ஊடகங்களில் இச்செய்தி பரபரப்பாக பேசப்பட்டது யாவரும் அறிந்ததே.

தனக்கு விதிக்கப்பட்ட மரண தண்டனையை எதிர்த்து ரிஸானா மேன்முறையீடு செய்திருந்தார். இம்மேன்முறையீடு ரியாத்திலுள்ள நீதிமன்றத்தால் விசாரிக்கப்பட்டு ரிஸானாவின் மரணதண்டனை மீளவும் ஊர்ஜிதப்படுத்தப்பட்டுள்ளது. இம்மரண தண்டனையை சவூதி மன்னர் அங்கீகரிக்கும் பட்சத்தில் ரிஸானாவுக்கு மரண தண்டனை நிறைவேற்றப்பட்டு விடும்.

பெண்களை நிர்வகிப்பவர்களாக ஆண்களை அல்லாஹ் படைத்துள்ளான். பிள்ளைகளை வளர்க்கும் பொறுப்பு பெற்றோருக்கு இருக்கும் நிலையில் தகப்பன் சம்பாதிப்பதை விட்டு விட்டு பிள்ளையை வெளிநாட்டு வேலைக்கு அனுப்பியது வன்மையாக கண்டிக்கத்தக்கது.

சிலரை விட மற்றும் சிலரை அல்லாஹ் சிறப்பித்திருப்பதாலும் ஆண்கள் தமது பொருட்களைச் செலவிடுகிறார்கள் என்பதாலும் ஆண்கள் பெண்களை நிர்வாகம் செய்பவர்கள். (அல்குர்ஆன் 4:34)

பெண்கள் மஹ்ரமான ஆண் துணையின்றி பயணம் மேற்கொள்வதை தடுக்கின்ற மார்க்கமாக இஸ்லாம் மார்க்கம் உள்ளது. இந்த நிலையில் பெண் பிள்ளைகளை அதுவும் போலியான வயதைக் காட்டி நாட்டின் சட்டத்தையும் மதிக்காமல் வெளிநாட்டு வேலை வாய்ப்புக்கு அனுப்பிய பெற்றோரை முதலில் கண்டிக்க வேண்டும்.

இதை ஒவ்வொரு பெற்றோரும் யோசிக்க வேண்டும். ஆண்களும் பெண்களை  வெளிநாட்டு வேலை வாய்ப்புகளுக்கு அனுப்புவதை நிறுத்த வேண்டும். எல்லாவற்றுக்கும் மேலாக இந்த நாட்டில் பெண்களை வெளிநாட்டு வேலை வாய்ப்புகளுக்கு அனுப்புவதை தடை செய்யும் சட்டத்தை அரசாங்கம் கொண்டு வர வேண்டும்.(அதிக அந்நிய செலாவணியைப் பெற்றுக் கொள்வதிலேயே அரசாங்கம் முன்னுரிமை காட்டுகிறது) அப்போது தான் பெண்களின் மானம் மரியாதை பாதுகாக்கப்படும். இதற்கு இஸ்லாம் மார்க்கம் தான் சரியான பாதுகாப்பு அரணை போட்டுள்ளது.

எந்த ஒரு பெண்ணும் மஹ்ரம் துணை இல்லாமல் ஒரு பரீத் –அதாவது 12 மைல்- தூரத்துக்கு பயணம் செய்யக் கூடாது என்று நபிகள் நாயகம் (ஸல்) அவர்கள் கூறினார்கள்.

அறிவிப்பவர்: அபூ ஹுரைரா (ரலி)
நூல்: இப்னு குஸைமா பைஹகீ அபூதாவூத் ஹாகிம்

இதன் அடிப்படையில் பெண்கள் 12 மைல் தொலைவு உள்ள தூரத்துக்கு தனியாகப் பயணம் செய்ய அனுமதி உள்ளது. அதற்கு மேல் தனியாகப் பயணம் செய்ய அனுமதி இல்லை

பெண்களின் உரிமைகளை பாதுகாக்கும், மானத்தை பாதுகாக்கும் அரண்களை கட்டுப்பாடுகளை அல்லாஹ் நமக்கு அருளியுள்ளான். இதனைக் கவனிக்கத் தவறுகின்ற பட்சத்தில் நாமே நம்மீது கைசேதத்தை ஏற்படுத்திக் கொள்கிறோம்.

நபி (ஸல்) அவர்கள் கூறினார்கள்: உங்களில் ஒவ்வொருவரும் பொறுப்பாளர் ஆவார். தன் பொறுப்புக்கு உட்பட்டவை பற்றி அவர் விசாரிக்கப்படுவார். ஆட்சித் தலைவரும் பொறுப்பாளரே, தன் குடிமக்கள் பற்றி அவர் விசாரிக்கப்படுவார். ஆண் மகன் (குடும்பத் தலைவன்) தன் மனைவி மக்களின் பொறுப்பாளன் ஆவான். தன் பொறுப்புக்கு உட்பட்டவர்கள் பற்றி அவன் விசாரிக்கப்படுவான். பெண் (மனைவி), தன் கணவனின் வீட்டிற்குப் பொறுப்பாளியாவாள். தன் பொறுப்புக்கு உட்பட்டவை குறித்து அவள் விசாரிக்கப்படுவாள். பணியாள் தன் எஜமானனின் உடைமைகளுக்குப் பொறுப்பாளியாவான். அவனும் தன் பொறுப்புக்கு உட்பட்டவை குறித்து விசாரிக்கப்படுவான். (நூல்: புகாரி 2409)

ஒவ்வொருவரும் அவரவர் பொறுப்புகளை பற்றி விசாரிக்கப்படும் மறுமை நாளைப் பயந்துஇ அல்லாஹ்வைப் பற்றிய அச்சத்துடன்  அவரவர் பொறுப்புகளை ஒழுங்காக செய்தால் ஈருலக நன்மைகளை பெற்றுக் கொள்ளலாம். மார்க்கத்தின் வரம்புகளைஇ வரையறைகளை மீறும் போது தான் கஷ்டங்களை துன்பங்களை அனுபவிக்க வேண்டி ஏற்படும். இவற்றைக் கவனத்தில் கொண்டு நாளை மறுமையில் அல்லாஹ்விடம் பதில் சொல்ல வேண்டும் என்பதையும் மனதிலிருத்தி எம் வாழ்க்கையை அமைத்துக் கொள்வோமாக.

இஸ்லாமிய வழியில் ரஷ்யா

நியு யோக்கில் புதிய பள்ளிவாசல்

facebook ஏற்படுத்தி உள்ள சமூக மாற்றம்

அனைத்து மக்களும் தத்தமது மதத்தை கடைபிடிக்க சுதந்திரம் உண்டு - பிரதமர் ஜெயரட்ன தெரிவிப்பு